Aŭtara «Ajčyma» dapytali ŭ milicyi. Śpiryn: «Za taki film mahu i adsiadzieć»
Paŭła Śpiryna, aŭtara dakumientalnaha filma «Ajčym» pra kiraŭnika Biełarusi Alaksandra Łukašenku, dapytali ŭ staličnaj milicyi. U paniadziełak videabłohier naviedaŭ Leninski RUUS.
«U mianie ŭziali ŭzor hołasu, kab dakazać, što heta film moj. Ale ja i sam skazaŭ, što jon moj, — raspavioŭ Śpiryn Jeŭraradyjo. — Taksama ŭziali tłumačeńni z nahody filma».
Pa słovach Paŭła, kryminalnaja sprava za abrazu prezidenta jašče nie raspačataja, pakul idzie daśledčaja pravierka. Mužčyna ŭpeŭnivaje, što nie baicca adsiadzieć realny termin za svoj film, jaki na Youtube nabraŭ bolš za 450 tysiač prahladaŭ. Jon uzhadvaje, jak u 2014 hodzie ŭžo pabyvaŭ za kratami 15 sutak za knihu «Apovieść pra mera».
«Za taki film možna i adsiadzieć. Za asałodu, što ŭsia respublika ŭbačyła, chto jon taki. U turmie ja nie ŭbačyŭ ničoha strašnaha. Takija ž ludzi tam siadziać, takoje ž žyćcio, tolki bolš žorstkaje», — kaža Pavieł.
Napiaredadni pieratrus prajšoŭ u kvatery jašče adnaho videabłohiera, jaki na Youtube viadzie papularny kanał Nexta. Jamu taksama inkryminujuć artykuł 368 KK (abraza prezidenta).
Jašče adnaho videabłohiera chočuć pryciahnuć da adkaznaści za abrazu Łukašenki
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary