Łyžnik Siarhiej Dalidovič pavinien vypłacić padatak z hrošaj, sabranych praz kraŭdfandynh na jaho padrychtoŭku da Alimpijady. Usiaho jamu naličyli 3200 rubloŭ padatku.
«Padaŭ dekłaracyju ab dachodach u padatkovuju, u tym liku, z sumaj, jakuju atrymaŭ z kraŭdfandynhu, — raspavioŭ Dalidovič u efiry Jeŭraradyjo. — I atrymałasia, što z sabranych hrošaj mnie naličyli kala 3200 rubloŭ padatku. Z hetych hrošaj u mianie zastałosia kala 10 tysiač rubloŭ, i ja płanuju ich addać u dziciačy dom. Tamu ja padaŭ zajavu ŭ naš rajonny vykanaŭčy kamitet, kab mianie ad hetaha padatku vyzvalili, i hetyja hrošy całkam byli pieraličanyja ŭ dziciačy dom. Voś čakaju ciapier adkaz. Ale ŭ vykankamie hetaj prapanovaj zacikavilisia. Ci vyzvalać mianie ad padatku, stanie viadoma tolki ŭ krasaviku».
Praz kraŭdfandynh Siarhiej Dalidovič sabraŭ bolš za 30 tysiač rubloŭ. Dźvie traciny ź ich jon patraciŭ, a 10 tysiač, što zastalisia, vyrašyŭ pieradać u Andrejeŭski dziciačy dom pad Oršaj. Praŭda, kali padatak daviadziecca vypłacić, to hetaja suma istotna źmienšycca. Taksama ŭ dziciačy dom buduć pieradadzienyja srodki, sabranyja na dabračynnym aŭkcyjonie ad prodažu «firmovaha» alimpijskaha telefona i akularaŭ.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary