U AppStore zaŭvažyli prahramu, jakaja majnić kryptavalutu z dapamohaj kampjutara karystalnika
U abnaŭleńni Calendar 2, viadomaha dadatku dla płanavańnia času na kampjutarach Mac, była dadadzienaja mahčymaść majninha kryptavaluty z dapamohaj pryładaŭ karystalnikaŭ na karyść raspracoŭščyka.
Ale havorka tut idzie nie ab tajemnym majninhu, a ab novaj madeli manietyzacyi dadatka. Calendar 2 prapanuje karystalniku niekalki opcyj razbłakiroŭki ŭsich funkcyj: dadatak možna kupić za $18, abo za $1 u miesiac pa padpiscy, abo vykarystoŭvać jaho biaspłatna z abmiežavanym funkcyjanałam.
Pry hetym možna atrymać usie funkcyi biaspłatna, pahadziŭšysia na majninh na vašym kampjutary na karyść raspracoŭščykaŭ.
Heta pieršy vypadak, kali kampanija aficyjna prapanuje raspłacicca za svoj pradukt vykarystańniem vyličalnych mahutnaściaŭ kampjutara karystalnika.
Paźniej raspracoŭščyk Calendar 2, kampanija Qbix, pryznała, što ŭbudavany majnier byŭ niedapracavany, i zamiest zajaŭlenych 10-20 adsotkaŭ vyličalnaj mahutnaści pracesara vykarystoŭvaŭ kudy bolš (da 200% pavodle dadzienych niekatorych karystalnikaŭ).
U vyniku raspracoŭščyk pryniaŭ rašeńnie vydalić majnier u budučych viersijach prahramy i kateharyčna admaŭlaje, što chacieŭ zdabyvać elektronnyja hrošy ŭpotaj ad karystalnikaŭ.
Dahetul u kramach dadatkaŭ roznych apieracyjnych sistem čas ad času źjaŭlalisia prahramy, jakija tajemna ad karystalnikaŭ vykarystoŭvali ich kampjutary, smartfony i płanšety dla majninhu kryptavaluty, tym samym značna zapavolvajučy pracu hetych pryładaŭ.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary