Kulinkovič pra kancert la Opiernaha: Vam rabić nie**j, vy nie kachajecie, siabrujecie tolki z rukoj — adny zahavory «Žyvie Biełaruś!»

«Nie chacieŭ pisać. I nie chaču, ale štości ciahnie i tryvožyć. Pra ŭvieś hety fars 25 sakavika.

Mahiła mianie vypravić, harbataha. Što vy nakinulisia na muzykaŭ? Nie chočuć hrać vašy byłyja kumiry? Anioły i zmahary za spraviadlivaść? My nie maryjanietki. Nadakučyła. U nas jość mierkavańnie, u nas jość zdaroŭje svaich kalektyvaŭ. Zdaroŭje majho hitarysta abo bubnača mnie daražej usich vašych zahavoraŭ pra litvinaŭ i inšuju chreń. Jon mnie davieryŭsia, ja caniu jaho talent i jaho pavahu. Mnie po* na ŭsie vašy stohny i abrazy. Ja kažu ŭmoŭna.

I fizičnaje, i maralnaje zdaroŭje našych kalektyvaŭ nam nie dazvalaje iści na hetaje sumniŭnaje mierapryjemstva. Choć my ŭsie pa miescach, dalokich ad kancertaŭ. I daviedki ja vam pradjaŭlać nie budu. Jość ža takoje słova «nie chaču»? Vy ž, b****i, tak zachaplalisia hetaj frazaj prafiesara Praabraženskaha. Nie chaču.

Ź jakoha vam stali usie abaviazany? Nie hraješ, značyć, hadzina i nie patryjot! Spałochalisia? Pužanyja my. Ja nikoha nie bajusia, akramia siabie. Maja hrupa ŭsio robić na niervie, my robim ščyra, inakš ja zdochnu, ja nie mahu inakš. Ja vykładvajusia na tyja pracenty, jakija mahu, jakija dazvalaje siła.

Vy dumajecie, što my zavadnyja cacki? «Niejra Dziubiel» dakładna nie. Pavinna być viera.

Ja hraŭ na Dzień Voli ŭ pačatku stahodździa. U maroz ja biehaŭ hoły pa pojas, Aleh Biabienin nakinuŭ na mianie bajku. Heta było cudoŭna, ja vieryŭ u Dzień Voli. A ciapier niama ŭ vas nijakaj voli. Jość data.

Bicie mianie łapataj, ale dla mianie 100 hadoŭ BNR i 23 lutaha padobnyja daty. Nijak i ni pra što. Vy kachać spačatku navučyciesia, potym śviatkujcie. U vas ža tolki nianaviść. Demakratyčnaja nianaviść da ludziej, jakija z vami niazhodnyja. Da Sašy, jaki pradaŭsia SB (nichto asabliva i nie viedaje, što ja try hady jak zvolnieny za doŭhi jazyk), Lavona, Siarhieja. Chto tam jašče hadzina?

Vam ža rabić nie**j, vy ž nie kachajecie, vy siabrujecie tolki z rukoj. Žyć, kachać, pracavać vy nie ŭmiejecie. Adny zahavory «Žyvie Biełaruś!». Ja nie suprać, vielmi navat za. Tolki vy, ****, hetym i abmiažoŭvajeciesia. «Žyvie Biełaruś!» Toj, chto prasoŭvaje, točyć detal, piša knihu, piša pieśniu, maluje karcinu, vučyć dziaciej, siadzić na kasie — vam po*. «Žyvie Biełaruś!». Zabaniać za abrazu pačućciaŭ viernikaŭ))

P.s. «Ja samy niepatrebny, ja hadaść, ja dreń, zatoje ja ŭmieju latać!». Pieśnia «Šery hołub». Piotr Mikałajevič Mamonaŭ».

Paźniej Kulinkovič dadaŭ tłumačeńnie ŭ dopis:

«Łajusia nie na tych, chto adznačaje, a na tych, chto nie supakoicca, chto piša va ŭsie mesendžary. Užo druhija sutki. Ja žyvy čałaviek. Niama spakoju vašaj dušy? Maju pakińcie».

• 0
• 0
• 0
• 0
• 0
• 0
• 0
• 0