17 sakavika ŭ Minskim abłasnym dramteatry, jaki pracuje ŭ Maładziečnie, adbyŭsia premjerny pakaz śpiektakla «Čas sekand-chend» pa adnajmiennaj knizie Śviatłany Aleksijevič. U afišy žanr śpiektakla vyznačany jak «dakumientalnaja drama».
Pastanoŭku i sceničnuju redakturu ažyćciaviŭ zasłužany dziejač mastactvaŭ Valeryj Anisienka. U śpiektakli, jaki składajecca z praniźlivych manałohaŭ pra savieckaje minułaje, zadziejničanaja amal usia trupa dramteatra.
«Tvor piśmieńnicy napoŭnieny hałasami šmatlikich śviedak, u kožnaha ź jakich była svaja admysłovaja historyja, vypakutavany vopyt žyćcia. Kniha i śpiektakl pa joj dapamahajuć razabracca, asabliva moładzi, u detalach taho času. Heta pra toje, jak paśla razvału vialikaj krainy ludzi vyžyvali ŭ novych umovach, jak łamalisia losy, a časam i žyćci byłych savieckich hramadzian», — tak śpiektakl anansavaŭsia na sajcie teatra.
«Čas sekand-chend» išoŭ na ruskaj movie. Śviatłana Aleksijevič na premjery nie prysutničała.
Pastanoŭka prajšła pry poŭnym anšłahu, hledačy byli vielmi ŭražanyja.
Kamientary