Izrailskaja vyviedka Masad sačyła za stvaralnikam jadu «Navičok» hienierałam Anatolem Kuncevičam da samaj jaho śmierci ŭ 2002 hodzie. Jon byŭ znojdzieny miortvym u samalocie pry tajamničych abstavinach.
Akademik AN SSSR Anatol Kuncevič, jaki naradziŭsia ŭ 1934 hodzie ŭ vioscy Śvisłač Mahiloŭskaj vobłaści, byŭ adnym sa stvaralnikaŭ jadu i źjaŭlaŭsia hienierał-lejtenantam, navukoŭcam u halinie arhaničnaj i prykładnoj chimii.
Cikavaść izrailskaj vyviedki da savieckich raspracovak była abumoŭlena aściarohaj, što savieckaja chimičnaja zbroja moža trapić u ruki arabaŭ, čyje režymy SSSR padtrymlivaŭ.
U 1984 hodzie jon byŭ pryznačany načalnikam chimičnych vojskaŭ Minabarony SSSR.
Da hetaha jon pracavaŭ na Kubie, a zatym u Vjetnamie, pravodziŭ u Afhanistanie ekśpiertyzu amierykanskich chimičnych prypasaŭ. Paśla raspadu SSSR Anatol Kuncevič nia adyšoŭ ad spraŭ, a ŭznačaliŭ prahramu pa pierapracoŭcy chimičnaj zbroi, paralelna stvaryŭ i ŭznačaliŭ Centr ekataksimietryi pry Instytucie chimičnaj fiziki imia Siamionava RAN. Jon — aŭtar i saaŭtar bolš za 280 navukovych prac, zvyš 40 aŭtarskich paśviedčańniaŭ.
U 1993 hodzie byŭ pryznačany pradstaŭnikom RF u siryjskim ekałahičnym centry ŭ Džamrajnie. Praz dva hady dziarždepartamient ZŠA zaćvierdziŭ piersanalnyja sankcyi suprać Kunceviča, abvinavaciŭšy jaho ŭ kantrabandzie rečyva dvajnoha pryznačeńnia.
Paviedamlajecca, što ŭ Masad vyznačyli, što za dapamohu ŭ stvareńni technałohij pa vytvorčaści chimičnaj zbroi hienierału pieradavalisia značnyja sumy hrošaj. Izrailcianie pry dapamozie atrymanaj infarmacyi chacieli nacisnuć na Maskvu, pahražajučy «źlić» dadzienyja ŭ presu i vyklikać mižnarodny skandał. Ale Kreml nijak nie adreahavaŭ na pahrozy.
U vyniku 29 krasavika 2002 hoda pry niavyśvietlenych abstavinach udzielnik prahramy «Navičok» byŭ znojdzieny miortvym u kreśle samalota, što nakiroŭvaŭsia z Alepa ŭ Maskvu. Anatol Kuncevič byŭ pachavany ŭ Maskvie na Trajakuraŭskich mohiłkach. Pavodle aficyjnaj viersii, śmierć nastupiła ad infarktu.
-
Cimoch Akudovič zapuściŭ svoj padkast. Pieršy vypusk — pra mały ledavikovy pieryjad i toje, jak pachaładańnie źmianiła chod historyi
-
U pradmieści Ryma znajšli reštki zbudavańniaŭ bolš čym dvuchtysiačnaj daŭniny
-
Staražytnyja duby raskazali, što adbyvałasia až za stahodździe da źjaŭleńnia krepaści na Miency
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary