U Bresckaj vobłaści raspracoŭvajecca hienieralny płan pieršaj u rehijonie «vioski budučyni», paviedamiŭ karespandentu BiełTA hałoŭny architektar vobłaści Alaksandr Žarkoŭ.
Piłotnaj terytoryjaj abrany ahraharadok Astramiečava ŭ Bresckim rajonie. U ciapierašni čas śpiecyjalisty zajmajucca raspracoŭkaj hienpłana raźvićcia nasielenaha punkta. Pieršyja vyniki realizacyi prajekta miascovyja žychary zmohuć acanić u 2018—2019 hadach.
Dla Astramiečava raspracavana kancepcyja pad nazvaj «Ekavioska». Prajekt praduhledžvaje značnaje pašyreńnie ahraharadka za košt stvareńnia tematyčnych zon. U pryvatnaści, źjaviacca novyja žyłyja kvartały. Na pieršym etapie praduhledžvajecca vydzialeńnie nie mienš čym 300 ziamielnych učastkaŭ. Ich zmohuć atrymać nie tolki žychary Astramiečava i navakolnych viosak, ale i bieraściejcy.
«Astramiečava raźmiaščajecca ŭ pamiežžy, pobač pahranpierachod «Piasčatka». Niedaloka znachodziacca Bresckaja krepaść, Biełaviežskaja pušča i Kamianieckaja vieža. Pasiołak z 500-hadovaj historyjaj maje bahatuju kulturu. Tamu kancepcyja» vioski budučyni» skiravana na toje, kab raźvivać tut ekałahičny turyzm. Ciapier hety kirunak vielmi zapatrabavany», — adznačyŭ hałoŭny architektar Bresckaj vobłaści.
U ahraharadku stvorać park, jaki źviaža jaho vieładarožkami i ekaściežkami z prylehłymi hajami i lasami. Prajekt praduhledžvaje dobraŭparadkavańnie spartyŭnaj zony, ustanoŭku vuličnych trenažoraŭ, hulniavych placovak.
Čytajcie taksama: Ad 1000 rubloŭ za mietr. Što prapanujuć rehijanalnyja zabudoŭščyki? Ahlad ad Realt.by
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni42
Kamientary