Sotni bieraściejcaŭ vyjšli na mitynh suprać akumulatarnaha zavoda FOTY
29 krasavika ŭ Breście ŭ parku voinaŭ-internacyjanalistaŭ prajšoŭ sankcyjanavany mitynh suprać pabudovy akumulatarnaha zavoda «AjPaŭer». Voś videastrymy ź mitynhu:
Na mitynhu, pavodle arhanizataraŭ, było 1500—2000 ludziej. Milicyja svaich acenak nie nazvała.
Viali mitynh błohiery Siarhiej Piatruchin i Alaksandar Kabanaŭ.
Mitynh zaviaršyŭsia pryniaćciem rezalucyi z patrabavańniem nie dapuścić budoŭli i pryciahnuć da adkaznaści čynoŭnikaŭ, jakija dapuścili budaŭnictva zavoda i zvoz śvincovych adkidaŭ da pasiołku Zialony Bor.
Bieraściejcaŭ taksama zaklikali praciahvać aktyŭnyja dziejańni suprać zavoda i dalej vychodzić na akcyi pa «karmleńni hałuboŭ» na centralnaj płoščy Bieraścia, paviedamlaje radyjo «Svaboda».
Budavać akumulatarny zavod pad Bieraściem u kancy 2017 hodu pačała kampanija «AjPaŭer». Padradčykam vystupaje Ańchojskaja zamiežnaekanamičnaja budaŭničaja karparacyja (Kitaj).
Zavod budujecca kala viosak Chaby, Šebryn i Telmy-2. Aficyjnaja ekałahičnaja ekśpiertyza prahnazuje, što ŭździejańnie zavoda na asiarodździe i čałavieka budzie niaznačnaje.
Kamientary