U subotu, 28 krasavika, u špitali «Ałder Chej» u Livierpuli pamior maleńki Alfi Evans. 9 maja dziciaci pavinna było spoŭnicca dva hady. Sa śniežnia 2016 hoda jon znachodziŭsia ŭ komie z-za redkaha niejra-dehienieratyŭnaha zachvorvańnia. Dakładny dyjahnaz brytanskija miedyki tak i nie zmahli jamu pastavić.
Historyja Alfi ŭskałychnuła ŭsiu Jeŭropu. Balnica «Ałder Chej» padała ŭ sud na baćkoŭ chłopčyka, jakija chacieli zabrać syna. Jany mieli namier spačatku lačyć dzicia ŭ ZŠA. Zatym zaručylisia zhodaj rymskaj dziciačaj kliniki «Bambina Džezu», jakaja była hatovaja pryniać Alfi ŭ luby momant. Papa Rymski Francysk pryniaŭ baćku. Pantyfik źviarnuŭsia da brytanskich uładaŭ z prośbaj dazvolić baćkam chvoraha chłopčyka zabrać jaho. Śpiecyjalny samalot kruhłasutačna dziažuryŭ u rymskim aeraporcie, kab u lubuju siekundu vylecieć za Alfi.
Ułady Italii na praciahu sutak dali maleńkamu chłopčyku italjanskaje hramadzianstva ŭ nadziei, što heta vyzvalić jaho z-pad dziejańnia brytanskaha zakona ad 1989 hoda, jaki dazvoliŭ balnicy ŭ Livierpuli abmiežavać pravy baćkoŭ Alfi całkam rasparadžacca jaho losam.
U samoj Brytanii była stvorana vializnaja hrupa aktyvistaŭ, jakaja nazvała siabie «Armijaj Alfi». Hetyja ludzi ładzili pierad «Ałder Chej» akcyi pratestu. Niekatoryja ź ich pahražali lekaram i navat raspačali sprobu prarvacca ŭ balnicu, kab zabrać Alfi.
Adnak usio heta nie dapamahło ni chłopčyku, ni jaho baćkam. Usie sudovyja instancyi, u tym liku Jeŭrapiejski sud pa pravach čałavieka, admovili im u prośbie zabrać syna ź lakarni paśla taho, jak chłopčyka 23 krasavika adklučyli ad sistemy žyćciezabieśpiačeńnia. Miedyki kazali, što Alfi pamre na praciahu 30 chvilin. Ale ŭ vyniku dzicia pražyło 5 sutak.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary