U Biełarusi mohuć admovicca ad papiarovych pracoŭnych knižak. U takim vypadku ŭsie źviestki, jakija ciapier utrymlivajucca ŭ hetym dakumiencie, pieraviaduć u elektronny farmat. Pra heta FINANCE.TUT.BY padčas žyvoj telefonnaj linii raspavioŭ namieśnik ministra pracy i sacyjalnaj abarony Ihar Staravojtaŭ. Ab kankretnych terminach mahčymaj admovy ad pracoŭnych knižak u papiarovym farmacie ŭ Minpracy pakul nie paviedamlajuć.
Na pytańnie, ci majuć namier u Biełarusi admovicca ad papiarovych pracoŭnych knižak pa prykładzie Rasii, pradstaŭnik Minpracy paviedamiŭ:
— My pra heta pytańnie dumajem, kab pieravieści ŭ elektronnuju formu tyja dadzienyja, jakija ŭ pryncypie nieabchodnyja rabotniku i jakija zapisvajucca ŭ pracoŭnuju knižku. U nas, naprykład, daŭno ŭžo dziejničaje sistema piersanifikavanaha ŭliku ŭ halinie piensijnaha zabieśpiačeńnia. Z 2003 hoda. My budziem ruchacca pastupova pa šlachu ŭdaskanaleńnia hetaj sistemy, pa šlachu ŭdaskanaleńnia tych baz dadzienych, jakija ŭ nas jość, u tym liku i formaŭ spravazdačnaści, źviazanaj z pracoŭnymi adnosinami.
Kali ŭsie hetyja bazy buduć adpaviednym čynam udaskanaleny, my pryjdziem da taho, što čałavieku, kab pierajści da inšaha najmalnika, pa sutnaści, nie treba budzie nieści pracoŭnuju knižku, a najmalnik, jaki prymaje na pracu, usiu nieabchodnuju infarmacyju ŭ śfiery pracoŭnych adnosin zmoža daviedacca z najaŭnych baz, ja dumaju, što my taksama padydziem pastupova da taho, što admovimsia ad pracoŭnych knižak.
Kamientary