MUS Biełarusi pra ŁHBT-ściah na pasolstvie Vialikabrytanii: Jany nie projduć!
U MUS Biełarusi škadujuć ab tym, što 17 maja nad pasolstvam Vialikabrytanii byŭ vyviešany viasiołkavy ściah. Viedamstva ličyć, što takaja inicyjatyva moža «stvaryć prablemy tam, dzie ich nie isnuje».
Na dumku MUS, 17 maja (mižnarodny dzień baraćby z hamafobijaj) nikoli ŭ našaj krainie nie źjaŭlaŭsia i nie źjaŭlajecca niejkim pamiatnym i značnym. I pryčyna, jak ličyć MUS, vidavočnaja:
— Pieravažnaja bolšaść biełarusaŭ prytrymlivajecca tradycyjnych siamiejnych kaštoŭnaściej, u tym liku chryścijanskich. A zajavy padobnaha rodu — vyklik hetym kaštoŭnaściam.
MUS ličyć, što «pradstaŭniki adnapołych adnosin» luta adstojvajuć svaju pazicyju nasupierak asnovam i tradycyjam, a adnapołyja adnosiny viedamstva nazyvaje «padrobkaj»:
— ŁHBT-supolnaść, i ŭsia hetaja baraćba za «svaje pravy», i sam dzień supolnaści — usiaho tolki padrobka!
Skončyła viedamstva svoj kamientar słovami:
— My — za sapraŭdnaje, jany nie projduć!
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary