Viarchoŭny sud Biełarusi vynies ukrainskamu žurnalistu Paŭłu Šarojku prysud. Jon atrymaŭ «bolš za vosiem hadoŭ pazbaŭleńnia voli». Pra heta žurnalistam da pačatku forumu «Minski dyjałoh» zajaviŭ pasoł Ukrainy ŭ Biełarusi Ihar Kizim, piša Tut.by.
— Zaraz Šarojka znachodzicca ŭ SIZA KDB. Na dniach jaho naviedvaŭ ŭkrainski konsuł, na ŭmovy ŭtrymańnia asudžany nie skardzicca, — skazaŭ Kizim. Z Šarojkam taksama bačyłasia jaho žonka.
Sud nad Šarojkam pačaŭsia ŭ lutym. Praces Viarchoŭny sud nie kamientavaŭ.
Za što byŭ asudžany ŭkrainski žurnalist?
U listapadzie minułaha hoda KDB Biełarusi paviedamiŭ, što pry praviadzieńni ahienturnaj akcyi zatrymaŭ kadravaha supracoŭnika hałoŭnaha ŭpraŭleńnia raźviedki Ministerstva abarony Ukrainy Paŭła Šarojku. Pavodle źviestak KDB Biełarusi, u krainie jon stvaryŭ ahienturnuju sietku ź liku hramadzian Respubliki Biełaruś, jakija za hrašovaje ŭznaharodžańnie vykonvali jaho zadańnie pa zbory źviestak raźviedvalnaha charaktaru ŭ vajenna-palityčnaj śfiery. U dačynieńni da Paŭła Šarojki zaviedziena kryminalnaja sprava pa art. 358 KK Biełarusi (Špijanaž) i pryniata rašeńnie ab ŭžyvańni miery strymańnia ŭ vyhladzie ŭtrymańnia pad vartaj.
Pavieł Šarojka raspavioŭ, što kaardynacyju jaho raźviedvalnaj dziejnaści ažyćciaŭlaŭ supracoŭnik hałoŭnaha ŭpraŭleńnia raźviedki Ministerstva abarony Ukrainy Ihar Skvarcoŭ, jaki dziejničaŭ pad prykryćciom pasady daradcy pasolstva Ukrainy ŭ Biełarusi. Za dziejnaść, niesumiaščalnuju z dypłamatyčnym statusam, Ihar Skvarcoŭ abvieščany piersonaj non hrata.
Paralelna va Ukrainie pačaŭsia sudovy praces nad biełarusam Juryjem Palitykaj, jakoha zatrymali letam 2017 hoda ŭ Čarnihavie. Jaho ŭkrainski bok abvinavačvaje ŭ špijanažy.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary