Pra toje, što jon nie budzie sustrakacca ź lidaram KNDR u Sinhapury, Tramp napisaŭ Kim Čen Ynu ŭ liście, jaki apublikavany ŭ aficyjnym Twitter Biełaha doma.
Pieršy ŭ historyi amierykana-paŭnočnakarejski samit pavinien byŭ adbycca ŭ Sinhapury.
Amierykanski prezident u pasłańni paŭnočnakarejskim lidaru paviedamiŭ, što Vašynhton i Pchieńjan doŭha abmiarkoŭvali sustreču lidaraŭ dźviuch krain, jakaja pavinna była adbycca 12 červienia ŭ Sinhapury. «Ja vielmi chacieŭ sustrecca z vami. Na žal, paśla vašych apošnich zajaŭ, u jakich adčuvałasia adkrytaja varožaść, ja liču niedarečnym praviadzieńnie hetaha samitu. Sustreča ŭ Sinhapury nie adbudziecca», — napisaŭ Tramp.
«Vy kažacie pra mahčymaści svajoj jadziernaj zbroi, ale našy mahčymaści nastolki vialikija, što ja malu Boha ab tym, kab my jaje nikoli nie vykarystoŭvali», — paviedamiŭ jon.
Čytajcie taksama: Paŭnočnaja Kareja pryhraziła sarvać pieramovy z Trampam
Tramp pry hetym adznačyŭ važnaść naładžvańnia dyjałohu z KNDR. «Kali-niebudź ja spadziajusia sustrecca z vami. Karystajučysia vypadkam, chaču padziakavać vam za vyzvaleńnie amierykanskich zakładnikaŭ, jakija ciapier znachodziacca doma. Heta byŭ pryhožy žest, za jaki my vielmi ŭdziačnyja», — zajaviŭ jon.
«Kali vy źmienicie svaje padychody i zachočacie sustrecca, nie saromiejciesia — telefanujcie, pišycie. Zaraz uvieś śviet i KNDR u pryvatnaści pazbavilisia vydatnaha šancu na mir i budučy roskvit. Hetaja stračanaja mahčymaść — sapraŭdy sumny momant dla suśvietnaj historyi», — napisaŭ u kancy Tramp.
A letter from the President to Chairman Kim Jong Un: "It is inappropriate, at this time, to have this long-planned meeting." pic.twitter.com/3dDIp55xu1
Kamientary