Minsk pakul nie płanuje prymać novyja zamiežnyja bazy, ale moža pierahledzieć rašeńnie, piša Hołas Amieryki sa spasyłkaj na Reuters
Biełaruś nie płanuje dazvalać Rasii raźmiaščać jaje vojski na terytoryi krainy, adnak moža pierahledzieć svaju pazicyju, kali, naprykład, u Polščy budzie pastajanna prysutničać amierykanski kantynhient, zajaviŭ biełaruski ministr zamiežnych spravaŭ Uładzimir Makiej.
Padčas vizitu ŭ Brusel, jaki staviŭ za metu raźvićcio supracoŭnictva ź ES, Makiej skazaŭ žurnalistam, što Minsk choča źnizić napružanaść u rehijonie i padtrymlivać dobryja dačynieńni jak z Zachadam, tak i z Maskvoj.
Adkazvajučy na pytańnie ab tym, ci moža prapanova Polščy ab raźmiaščeńni amierykanskaj bazy prymusić Biełaruś pierahledzieć svajo rašeńnie ab rasijskaj vajskovaj prysutnaści, Makiej skazaŭ: «Ja dumaju, budzie niejkaja reakcyja na hety namier raźmiaścić novuju vajskovuju avijabazu».
«Na hety momant my nie płanujem raźmiaščać na terytoryi Biełarusi novyja zamiežnyja vajskovyja bazy, — praciahnuŭ ministr. — Ale, hledziačy ŭ budučyniu, treba ŭličvać kroki, jakija buduć rabić našy susiedzi».
Kamientary