Były prezident Estonii Toomas Chiendryk Ilvies trapiŭ u śpis hramadzian hetaj krainy, u dačynieńni da jakich Rasija ŭviała zabaronu na ŭjezd. Pra heta sam Ilvies zajaviŭ Estonskaj hramadskaj teleradyjoviaščalnaj karparacyi (ERR).
MZS Rasii, abviaściŭšy pra zabaronu na ŭjezd dla šerahu «asabliva pa-rusafobsku nastrojenych palityčnych i hramadskich dziejačaŭ Estonii», ich imionaŭ nie nazyvaŭ. Raniej ab traplańni ŭ śpis Ilviesa paviedamiŭ partał Postimees sa spasyłkaj na pasła Rasii ŭ Estonii Alaksandra Piatrova.
«Pamiž rasijskimi palityčnymi tendencyjami i abmiežavańniami isnuje suviaź», — zajaviŭ u hutarcy z ERR Ilvies. «Mnie ŭstanavili zabaronu na atrymańnie vizy taksama ŭ časy Savieckaha Sajuza. Kali tatalitarnaja dziaržava razburyłasia, źnikła i zabarona. Ja razam z šeraham inšych ludziej, jakija atrymali zabaronu na ŭjezd - siarod jakich sienatar Makkiejn i były pasoł ZŠA ŭ Rasii Majkł Makfoł - spadziajemsia, što Rasija kaliści stanie znoŭ volnaj, demakratyčnaj dziaržavaj », - skazaŭ jon, dadaŭšy, što heta «žadanaja pierśpiektyva» nie tolki dla krain-susiedziaŭ Rasii, «ale i dla jaje ŭłasnych hramadzian, a taksama dla ŭsiaho volnaha śvietu».
Hety krok Maskvy staŭ mieraj u adkaz na ŭstanoŭlenuju Estonijaj zabarona na ŭjezd u krainu 49 hramadzianam Rasii z t.zv. «Śpisu Mahnickaha».
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
-
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
-
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary