«Cumiesna my nadamo istotny impuls intehracyjnym pracesam» — Łukašenka pavinšavaŭ Pucina
Alaksandr Łukašenka ad imia biełaruskaha naroda i siabie asabista pavinšavaŭ prezidenta Rasii Uładzimira Pucina i narod hetaj krainy z nacyjanalnym śviatam — Dniom Rasii.
«Rasijanie maje prava hanarycca svajoj šmatviakovaj historyjaj, bahataj duchoŭnaj i kulturnaj spadčynaj. Brackaja dla nas kraina z honaram prajšła praz šmatlikija vyprabavańni i stała suvierennaj pravavoj dziaržavaj, jakaja vałodaje mahutnym patencyjałam va ŭsich śfierach», — havorycca ŭ vinšavańni.
Alaksandr Łukašenka adznačyŭ, što pravodzimy kiraŭnictvam Rasii stratehičny kurs na madernizacyju ekanomiki, palapšeńnie jakaści žyćcia i pavyšeńnie mižnarodnaha aŭtarytetu atrymlivaje šyrokuju padtrymku hramadzian.
«Pierakanany, što sumiesnymi namahańniami my nadadzim istotny impuls intehracyjnym pracesam i realizacyi važnych prajektaŭ u ramkach ŭzajemavyhadnaha biełaruska-rasijskaha supracoŭnictva», - padkreśliŭ kiraŭnik dziaržavy.
Vinšavalnyja pasłańni ad kiraŭnika Biełarusi taksama nakiravany staršyni ŭrada Rasii, staršyni Savieta ministraŭ Sajuznaj dziaržavy Dźmitryju Miadźviedzievu, staršyni Savieta Fiederacyi Valancinie Maćvijenka i staršyni Parłamienckaha schodu Sajuza Biełarusi i Rasii, staršyni Dziaržaŭnaj dumy Viačasłavu Vałodzinu.
Kamientary