«Alivaryja» zładziła futbolny batł z papularnymi biełaruskami FOTY
U subotu, 23 červienia, u fan-bary ŭ parku Pieramohi možna było pahutaryć za kuflem piva pra futboł nie tolki z zaŭziatarami, ale i, naprykład, ź internet-madellu, u jakoj 560 tysiač padpisčykaŭ, viadoŭcaj kanała «Biełaruś-5» ci ŭdzielnicaj šoŭ «Chaču ŭ Via Hru». Takuju nietypovuju dla fanackaha kamjunici aŭdytoryju sabrali na futbolnym pab-kvizie «Alivaryi», kab vyśvietlić, chto viedaje pra futboł bolš: pryhažuni ci razumniki.
Futbolny pab-kviz praciahnuŭ siezon viečarynak, jaki hetym letam adkryła «Alivaryja» ŭ fan-bary ŭ parku Pieramohi. Zhulać u intelektualny futboł ad «MazhaBojni» zaprasili tych, kaho zvyčajna lohka možna pastavić u tupik zhadvańniem mundyjala ci handzikapa — papularnych madelaŭ, śpiavačak, televiadoŭcaŭ i błohierak. Dziaŭčaty ščyra pryznalisia, što samim im spravicca budzie składana, a tamu zahadzia paklikali ŭ svaje kamandy minskich zaŭziataraŭ.
Usiaho za sutki na sajt mierapryjemstva pryjšli sotni zajavak ad znaŭcaŭ futboła, hatovych dapamahčy pryhažuniam sabrać na hety raz nie tolki šmat łajkaŭ, ale i ačkoŭ na futbolnym pab-kvizie. U kamandy da zornych kapitanaŭ trapili tolki tyja, chto zmoh pravilna adkazać na ŭsie padstupnyja pytańni viktaryny pry rehistracyi. Hałoŭnym arbitram matča pa tearetyčnym futbole stała adna z najbolš viadomych instahram-madelaŭ Biełarusi Kacia Koba. Jašče da pačatku hulni dziaŭčyna pryznałasia, što nie admoviłasia b i sama zaniać miesca za hulniavym stolikam u fan-bary i pravieryć svaju intuicyju.
«Heta leta dakładna ŭvojdzie ŭ historyju pad znakam futboła. Tradycyjna ličycca, što futboł — heta mužčynskaja hulnia. Ale my hatovyja rujnavać stereatypy i chočam zrabić tak, kab dziaŭčaty taksama dałučylisia da hałoŭnaj spartyŭnaj padziei leta i zacikavilisia futbołam. Upeŭnienyja, što heta pryniasie ŭsim zaŭziataram jašče bolš cudoŭnych emocyj. Viadoma, u hetym dapamoža i hałoŭny futbolny napoj, jaki ŭžo stolki hadoŭ abjadnoŭvaje ludziej padčas važnych hulniaŭ i čempijanataŭ, — raspaviadaje menedžar pa karparatyŭnych kamunikacyjach pivavarnaj kampanii «Alivaryja» Volha Kaŭryhina.
Za paŭtary hadziny hulni ŭdzielniki znajšli adkazy na paŭsotni pytańniaŭ pra futboł, futbalistaŭ i lubimy fanacki napoj — piva. Pa pryznańni mužčynskaha składu kamand, dla pieramohi adnych tolki spartyŭnych viedaŭ akazałasia niedastatkova, a tamu žanočaja intuicyja prynosiła kamandam vialikuju kolkaść vyjhryšnych ačkoŭ. Naprykład, mienavita dziaŭčaty lohka adhadali, što žonka lehiendarnaha Piele prymušała jaho kinuć šoŭ-biznes i zajmacca tolki futbołam prosta tamu, što «na poli jon stasujecca vyklučna z mužčynami».
Dałučycca da viečarynak «Alivaryi» i atrymać svaju porcyju futbolnaj viesiałości možna štodzień z 10 da 24 hadzin u fan-bary parku Pieramohi.
Darečy, užo ŭ hety čaćvier, 28 červienia, a 19.00 tut zładziać viečar futbolnaha humaru ad papularnych biełaruskich komikaŭ. Prychodzić na Stand-up party možna śmieła vialikaj kampanijaj, i navat z tymi, chto ŭ futbole raźbirajecca vielmi adnosna — abiacajuć, što ŭsio roŭna viesieła budzie ŭsim. Uvachod pa-raniejšamu svabodny dla ŭsich.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary