Praryŭ: navukoŭcy vyśvietlili miechanizm źjaŭleńnia chvaroby Alchiejmiera
Navukoŭcy z Paŭdniova-zachodniaha miedycynskaha centra Techaskaha ŭniviersiteta ździejśnili praryŭ u vyvučeńni chvaroby Alchiejmiera — u ich atrymałasia ŭstanavić momant zaradžeńnia zachvorvańnia. Vyniki daśledavańnia apublikavanyja ŭ navukovym časopisie eLife.
Pry chvarobie Alchiejmiera ŭ mozhu pacyjentaŭ farmirujucca «kłubki» taŭ-białku, jakija rujnujuć kletki mozhu. Raniej ličyłasia, što sam pa sabie taŭ-białok nie niebiaśpiečny, a niebiaśpiečnyja tolki jaho zhustki.
Navukoŭcy admovilisia ad hetaj viersii, vyjaviŭšy adpraŭnuju kropku zachvorvańnia — momant, kali zdarovy taŭ-białok stanovicca taksičnym, ale jašče nie sfarmavaŭ śmiarotnyja kłubki. Na hetym etapie možna nazirać malekularnyja źmieny ŭ struktury taŭ-białkoŭ, paśla čaho jany pačynajuć zakryvacca adzin z adnym, a zatym paškodžvać niejrony.
«My rasceńvajem heta jak «Vialiki vybuch» u vyvučeńni taŭ-białku. Heta sposab zazirnuć u samy pačatak pracesu chvaroby», — raspavioŭ viadučy aŭtar daśledavańnia Mark Dajmand.
Ciapier navukoŭcy zmohuć raspracavać novyja dyjahnastyčnyja mietady i vyjavić patałohiju jašče da prajavy vidavočnych prykmiet chvaroby. Daśledčyki miarkujuć, što možna praduchilić źlipańnie taŭ-białkoŭ u kłubki, a heta dazvolić zatarmazić raźvićcio zachvorvańnia.
Jany pryvodziać u prykład preparat «Tafamid» dla lačeńnia sardečnych patałohijaŭ, jaki błakuje białok transtyrecin, što źmianiaje formu i vyklikaje ŭtvareńnie śmiarotna niebiaśpiečnych kłastaraŭ u sercy. Anałohija z taŭ-białkom vidavočnaja, tamu daśledčyki spadziajucca stvaryć padobny preparat dla vyratavańnia mozhu.
«Kali heta spracuje, kolkaść zachvorvańniaŭ chvarobaj Alchiejmiera moža być značna źmienšana», — skazaŭ na zakančeńnie Dajmand.
Kamientary