Maradona ŭ Breście, «Smalavičy» ŭ Žodzinie i «Haradzieja» na dnie. Što pryniasie čarhovy tur čempijanatu Biełarusi pa futbole

Voś tak, amal niezaŭvažna, pralacieła pałova čempijanatu Biełarusi. U pramiežkavaj tablicy amal niama siensacyj: chiba tolki aŭtsajdarski status «Haradziei» dy treci radok «Viciebska» možna nazvać niečakanymi. U astatnim usio, jak i prahnazavałasia: BATE i minskaje «Dynama» naviersie, navički — u nižejšaj pałovie tablicy. 

Pahladzim, što pryniasie nam šasnaccaty tur «vyški».

«Słuck» — «Homiel»

• 13.07 / 18:45. Słuck, stadyjon «Haradski»
• Kaeficyjenty: «Słuck» (pieramoha) — 1.68, ničyja — 3.64, «Homiel» (pieramoha) — 5.15

Alaksieja Miarkułava aficyjna pryznačyli hałoŭnym trenieram «Homiela». Mahčyma, pazbaŭleńnie ad prystaŭki «v.a.» dapamoža kamandzie złamać słucki praklon. U čatyroch papiarednich matčach u Słucku «Homiel» trojčy prajhraŭ i adnojčy zhulaŭ ničyju, nie zdoleŭšy navat zabić.

Pavialičyć

«Słuck» ža vielmi prahmatyčna prajšoŭ pieršaje koła: pieramoh u vidavočna słabiejšych kamand i prajhraŭ naminalnym favarytam. Hetaha možna čakać i ad piatničnaj hulni.

Prahnoz «NN»: pieramoha «Słucka».

«Minsk» — «Pramień»

• 14.07 / 16:45. stadyjon FK «Minsk»
• Kaeficyjenty: «Minsk» (pieramoha) — 2.00, ničyja — 3.10, «Pramień» (pieramoha) — 4.15

«Pramień» zdoleŭ vyrvać ničyju ŭ hulni sa «Smalavičami». Hety bał staŭ pieršym dla kamandy Bijončyka za šeść turaŭ. Pieramoh ža nie było bolš za dva miesiacy.

«Minsk» ža vystajaŭ suprać «Šachciora», zdabyŭšy druhuju ničyju zapar. Z «Pramieniem» musić być praściej, ale varta nie rassłablacca.

Prahnoz «NN»: totał mienšy za 2,5.

«Smalavičy» — BATE

• 14.07 / 18:45. Žodzina, stadyjon «Tarpieda»
• Kaeficyjenty: «Smalavičy» (pieramoha) — 8.90, ničyja — 4.65, BATE (pieramoha) — 1.36

Hałoŭny trenier «Smalavič» Alaksandr Brazievič paśla ničyjoj u minułym tury skazaŭ, što jamu vielmi soramna, i, vidać, kredyt davieru z boku kiraŭnictva vyčarpany. Ale navin ab źmienie treniera nie prychodziła, tamu treba reabilitavacca.

«Smalavičy» nie paśpieli za pałovu siezona davieści da rozumu stadyjon u Aziornym, tamu pieršy matč druhoha kruha projdzie ŭ Žodzinie.

U sieradu BATE druhim składam tolki ŭ dadadzieny čas adoleŭ «Enierhietyk-BDU» ŭ matčy 1/16 finału Kubka Biełarusi. Alaksiej Baha ryzykavaŭ składam pierad hulnioj čempijanatu i pačatkam jeŭrakubkavych matčaŭ. 

Prahnoz «NN»: pieramoha BATE.

«Viciebsk» — «Nioman»

• 14.07 / 20:45. CSK «Viciebski»
• Kaeficyjenty: «Viciebsk» (pieramoha) — 2.30, ničyja — 3.00, «Nioman» (pieramoha) — 3.38

Hrodziency sastupili ŭ «zachodnim derbi» i praciahnuli jašče na tur biezvyjhryšnuju sieryju. Heta adkinuła kamandu na siomy radok.

Pavialičyć

«Viciebsk» pieramoh u pieršym matčy bieź Ladesmy, zabiŭ tolki adnojčy i toje — ź pienalci. Zatrymacca na «bronzavym» miescy padnačalenym Siarhieja Jasinskaha budzie niejmavierna składana.

Prahnoz «NN»: ničyja.

«Tarpieda-Minsk» — «Isłač»

• 15.07 / 14:00. Stadyjon FK «Minsk»
• Kaeficyjenty: «Tarpieda-Minsk» (pieramoha) — 3.72, ničyja — 3.10, «Isłač» (pieramoha) — 2.12

Kali vy chočacie atrymać maksimum asałody ad finału čempijanatu śvietu, raim vam spačatku pahladzieć ci naviedać hulniu minskaha «Tarpieda» i «Isłačy». Na dvaich u pieršym kruzie kamandy zabili 14 miačoŭ — mienš za 0,5 hoła za matč u siarednim.

Vital Žukoŭski ŭžo paśpieŭ patłumačyć niaŭdačy svajoj kamandy tym, što jahonyja hulcy — zanadta daśviedčanyja. I niekatorych dynazaŭraŭ «Isłač» užo pazbaviłasia: syšli Asipienka, Bliźniuk i Kirylčyk, jakim u sumie 109 hadoŭ.

Z «Tarpieda» syšoŭ asnoŭny bramnik Kanstancin Rudzianok. Moža, heta dapamoža «Isłačy»?

Prahnoz «NN»: pieramoha «Isłačy».

«Dniapro» — «Haradzieja»

• 15.07 / 16:00. Mahiloŭ, stadyjon «Spartak»
• Kaeficyjenty: «Dniapro» (pieramoha) — 1.90, ničyja — 3.35, «Haradzieja» (pieramoha) — 4.20

Hałoŭny trenier «Haradziei» Siarhiej Jaromka ŭ hulni suprać «Słucka» nie skarystaŭsia zamienami. Anivodnaj. Łahična, što jahonaja kamanda prajhrała i zastałasia na apošnim radku.

Napieradzie — vyjezd u Mahiloŭ da jašče adnych harotnikaŭ. Na dvaich u kamand usiaho try pieramohi ŭ pieršym kole, a ŭ «Dniapra» praciahvajecca haniebnaja sieryja bieź viktoryj.

Prahnoz «NN»: totał mienšy za 2,5.

«Tarpieda-BiełAZ» — «Dynama-Minsk»

Minskaje «Dynama» na pravach udzielnika jeŭrakubkaŭ skarystałasia pravam pieranieści hulniu. Tamu hety matč adbudziecca 26 vieraśnia.

Užo siońnia, 12 lipienia, kamanda Siarhieja Hurenki startuje ŭ pieršym adboračnym raŭndzie Lihi Jeŭropy. «Dynama» ŭ haściach sustrakajecca ź irłandskim «Dery Sici».

«Dynama-Brest» — «Šachcior»

• 16.07 / 20:45. DASK «Brescki»
• Kaeficyjenty: «Dynama-Brest» (pieramoha) — 1.82, ničyja — 3.58, «Šachcior» (pieramoha) — 4.25

«Šachcior» svaim pravam ab pieranosie nie skarystaŭsia. Dy i kudy tut, kali na hulniu ŭ Brest prylacić sam Dyjeha Maradona.

Arhienciniec zavitaje ŭ Biełaruś tolki na dzień, daść pres-kanfierencyju, pahladzić hulniu svajoj kamandy i praciahnie źjazdžać z hłuzdu, ale za miežami Biełarusi.

Pavialičyć

«Šachcior» nie zmoh pieramahčy «Minsk», ale sieryja Siarhieja Tašujeva praciahvajecca. Miarkujem, što i ŭ Breście jana taksama nie skončycca.

Prahnoz «NN»: «Šachcior» nie sastupić.

Čempijanat śvietu skončycca, a rodnaja vyšejšaja liha zastaniecca z taboj! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!

• 0
• 0
• 0
• 0
• 0
• 0
• 0
• 0