Uładzimir Bieražkoŭ staŭ novym spartyŭnym dyrektaram Fiederacyi chakieja
Uładzimir Bieražkoŭ staŭ spartyŭnym dyrektaram FCHB. Raniej pasadu spartyŭnaha dyrektara zajmaŭ Uładzisłaŭ Kłačkoŭ.
Nahadajem, paśla raźvitańnia z «Presbołam» u krasaviku 2014 hoda, Bieražkoŭ staŭ hienieralnym mieniedžaram minskaha «Dynama». Taksama jon byŭ pryznačany namieśnikam staršyni FCHB. U žniŭni 2015 hoda mieniedžar byŭ zatrymany pravaachoŭnymi orhanami. U krasaviku 2016 jaho vypuścili na volu. Paśla vychadu ź SIZA Uładzimir Bieražkoŭ zajmaŭ pasadu namieśnika staršyni FCHB farmalna — u pasiadžeńniach fiederacyi jon nie braŭ udziełu. U červieni 2017 hoda jaho nie pieraabrali na hetu pasadu.
Z červienia 2016 hoda pa sakavik 2017 mieniedžar pracavaŭ u ABFF na pasadzie dyrektara Departamienta markietynhu i kamunikacyj.
U sakaviku 2017 Bieražkoŭ uznačaliŭ TAA «Svoj futboł». Daččynaja kampanija ABFF zajmałasia stvareńniem futbolnaha telekanała «BK-Sietanta». 9 žniŭnia 2017 hoda Bieražkoŭ pakinuŭ hetuju pasadu.
Apošnim miescam pracy Bieražkova byŭ chołdynh «Sovietskaja Biełoruśsija». U «SB» Bieražkoŭ adkazvaŭ za raźvićcio internet-prajektaŭ, prapracavaŭ tam usiaho try miesiacy. Pakinuŭ chołdynh u lutym hetaha hoda.
Kamientary