Ananimny rasijski telehram-kanał «Niezyhar», jaki śpiecyjalizujecca na palityčnych źlivach, apublikavaŭ čarhovy dopis, pryśviečany Biełarusi. Na hetym raz hierojem publikacyi staŭ były premjer-ministr Biełarusi Siarhiej Sidorski, jaki ciapier zajmaje pasadu ministra pa pramysłovaści i ahrapramysłovamu kompleksu Jeŭrazijskaj ekanamičnaj kamisii. Adnak u chutkim časie krynicy abiacajuć adstaŭku Sidorskaha.
«Łukašenka niezadavoleny vynikovaściu eks-premjera ŭ adstojvańni biełaruskaj pradukcyi i maje namier dasłać novaha pradstaŭnika. Ale Łukašenka vyrašyŭ prybrać Sidorskaha z Maskvy pa pryčynie zhadki jahonaha imia ŭ liku vierahodnych prarasijskich «pierajemnikaŭ», — piša «Niezyhar».
«Siarod biełaruskich vysokapastaŭlenych čynoŭnikaŭ Sidorski byŭ adzinym, na kaho možna było hladzieć biez uzdryhvańniaŭ, i chto havaryŭ zrazumiełaj ludskaj movaj. Astatnija byccam učora źleźli z traktara i nie ŭ stanie słova pramović — ni pa-rasiejsku, ni pa-biełarusku. Usio niešta ź siabie vyciskajuć na dziŭnaj, miešanaj movie. Sidorski byŭ adzinym, kaho napyšlivaja Maskva prymała z pavahaj, i ŭ kaho, niahledziačy na biaskoncyja małočna-naftavyja vojny, skłalisia vielmi ciopłyja i siabroŭskija adnosiny z Pucinym», — adznačaje kanał.
Vysnovy z dopisu nastupnyja: maŭlaŭ, na asobie Sidorskaha jak źmienščyka Łukašenki mahli b syścisia jak Maskva, hetak i Jeŭropa.
Praŭda, nie tak daŭno hety samy kanał pierakonvaŭ, što kandydatam zachodnich sił budzie ministr zamiežnych spravaŭ Uładzimir Makiej. Zdajecca, prosta niechta zahulaŭsia ŭ kanśpirałohiju.
U śniežni 2017 telehram-kanał «Niezyhar» za 20 miljonaŭ rasijskich rubloŭ (317 tysiač dalaraŭ) vykupiła kampanija «Michajłaŭ i partniory», jakaja naležyć hiendyrektaru TASS Michajłavu. Paśla hetaha na kanale stała ŭsio mieniej źlivaŭ i ŭsio bolej prapahandy.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary