Jak vyhladaje šviedskaja turma dla samych niebiaśpiečnych złačynak FOTY
Chinsiebierh — turma, dzie adbyvajuć pakarańnie žančyny, jakija ździejśnili hučnyja złačynstvy, jakija abmiarkoŭvała i da hetaha času abmiarkoŭvaje ŭsia Šviecyja.
Ahladalnica «MK» pabyvała ŭ žanočaj turmie Šviecyi samaha strohaha režymu i samaha vysokaha ŭzroŭniu biaśpieki.
Chinsiebierh prykładna za try hadziny jazdy ad stalicy Šviecyi, Stakholma. Navat na niekatorych kartach jana paznačajecca jak žanočaja turma z najvyšejšym uzroŭniem abarony. U čym zaklučajecca hety «najvyšejšy ŭzrovień» — adrazu i skazać ciažka, tamu što ni vysačeznaha płota, ni krataŭ, ni vyšak z aŭtamatčykami i sabakami niama.
Korpusy, dzie žyvuć asudžanyja žančyny, stajać na ŭzhorku, na bierazie voziera. La adnaho z damoŭ pasucca aviečki.
Zaraz u turmie 70 klijentak (tut nazyvajuć źniavolenych mienavita tak). Usiaho ž ustanova raźličana na 90 miescaŭ.
Va ŭsich šviedskich turmach źniavolenych-žančyn krychu mienš za 400. Tak što Chinsiebierh ličycca samaj vialikaj.
U Chinsiebierhie siadziać žančyny z samymi hučnymi spravami. Adna atrymała pažyćciovy termin za zabojstva sapiernicy na hlebie reŭnaści (rasčlaniła jaje i potym pa kavałačkach vyvoziła ŭ žanočaj sumcy). Jość tut «čornaja ŭdava» Karyna Andre — zabiła dvuch mužoŭ, adnaho ź jakich zadušyła viaroŭkaj, a druhoha spaliła žyŭcom. Za pieršaje zabojstva joj dali 8 hadoŭ, jana adsiedzieła ich u inšaj turmie, pry hetym dvojčy napadała na supracoŭnikaŭ, a paśla vyzvaleńnia ździejśniła novaje złačynstva.
Tak vyhladaje raskład turmy:
7.00 — padjom, adkryćcio dźviarej usich kamier.
7.05 — śniadanak, asabisty čas.
7.30-7.45 — «prapuskańnie praz šluz»: źniavolenych razvodziać pa roznych miescach.
7.45-10.45 — zaniatak tvorčaściu, vučoba, praca.
10.45-11.00 — iznoŭ šluz.
11.00-11.10 — asabisty čas.
11.10-12.10 — špacyr.
12.10-12.45 — abied, asabisty čas.
13.00-16.00 — vučoba, praca.
16.15-18.45 — viačera, asabisty čas.
19.00 — asudžanyja zachodziać u svaje kamiery, tyja začyniajucca da ranicy.
U čaćviarhi biblijateka, na vychodnych adpačynak — u raskładzie tolki ježa i hadzina špacyru.
U turmie try kamiery dla parušalnikaŭ. Adna adroźnivajecca ad inšaj. Za samyja surjoznyja parušeńni (ci tych, chto staŭ niebiaśpiečny dla siabie i inšych) źmiaščajuć u pieršuju. Usio, što ŭ joj jość, — humovy matrac na padłozie i harščok. Zvyčajna tut pravodziać tolki niekalki hadzin.
Druhaja kamiera ŭžo z łožkam u centry, ale śpiecyjalnym, z poručniami, da jakich u vypadku nieabchodnaści žančynu mohuć pryšpilić skuranymi ramianiami.
Tut užo jość rakavina i ŭnitaz.
Treciaja kamiera naohuł całkam žyłaja. Tut duš, šafa, televizar, radyjopryjomnik.
Pobač, na hetym ža paviersie, jość kamiery dla tych, chto vyrašyŭ pabyć adzin albo admoviŭsia vyjści na pracu. Jany bolšyja i, pa sutnaści, ničym nie adroźnivajucca ad zvyčajnych, ale tut niama piersanału i inšych źniavolenych. Poŭnaja adzinota.
Kamientary