Źbirajučysia za miažu pa spravach ci ŭ adpačynak, mnohija prychodziać u zamiašańnie, što ŭziać takoha z saboj biełaruskaha, kab i zamiežniku stała pryjemna, i samomu nie soramna. Nižej my sabrali dla vas idei takich rečaŭ i miescaŭ, dzie hetyja rečy možna prydbać. Pačniom z handlovych kropak, što źmiaščajuć u sabie najbolšy asartymient biełaruskich tavaraŭ, prydatnych dla padarunkaŭ.
Krama Symbal.by
Badaj samaja viadomaja krama z nacyjanalnymi suvienirami. U najaŭnaści tut bolš za tysiaču tavarnych pazicyj: vybirać jość z čaho. Jość knihi i cišotki, kubki i vyšyvanki, harbata i myła, šmat upryhožańniaŭ… Plus kramy jašče ŭ tym, što abrać i kupić padarunak možna jak u kramie ŭ centry Minska, tak i zamović praz sajt dastaŭku ŭ lubuju kropku śvietu.
Sajt: symbal.by.
Adras: h. Minsk, pr-t Mašerava, 18 (st.m. Płošča Pieramohi).
Hrafik raboty: štodzień z 10:00 da 20:00.
Telefony: +375 (29) 177-35-18; +375 (33) 357-35-18.
«Vialiki dziakuj!»
Krama, stvaralniki jakoj kiravalisia padychodam: prapanoŭvać naviednikam takija tavary, praź jakija nie było b soramna reprezientavać Biełaruś. Raźmiaščajecca krama na adnoj z samych «svabodnych» vulic stalicy — Kastryčnickaj. Tut niemały asartymient sučasnych rečaŭ, pryhoža aformlenych i darahich na vyhlad. Ale za darahi vyhlad i darahaja cana. Tamu siudy varta iści, kali žadajecie abrać niešta nasamreč kraftava-ŭnikalnaje i nie asabliva zvažajecie na košt padarunka.
Instahram: vialiki_dziakuj.
Adras: h. Minsk, vuł. Kastryčnickaja, 23a (st.m. Pieršamajskaja).
Hrafik raboty: štodzień z 12:00 da 22:00.
Telefon: +375 (29) 527-77-69.
«Moj modny kut»
Krama, jakuju časta błytajuć z Symbal.by. Asartymient u ich padobny, chiba ŭ «Kuta» bolš roznych drobiaziaŭ i mieniej vopratki. Ceny taksama amal usie identyčnyja. Miesca pazicyjanujecca jak krama z nacyjanalnym kałarytam, tut jość roznyja drobnyja suvieniry, upryhožańni, niekalki vidaŭ cišotak. Pryvietny piersanał i zručnaje miescaznachodžańnie ŭ centry horada. Dastaŭka mahčymaja pa ŭsioj Biełarusi i za miažu.
Sajt: mmkut.by.
Adras: h. Minsk, pr-t Niezaležnaści, 58 — HC «Maskoŭska-Vienski», pav. 333 (st.m. Płošča Jakuba Kołasa).
Hrafik raboty: štodzień z 11:00 da 20:00.
Telefony: +375 (29) 621-58-78; +375 (44) 508-58-90.
Krama «Darečy»
Jašče adna padobnaja krama nacyjanalnaj atrybutyki. Jość drobnyja rečy z arnamientam ci Pahoniaj, cišotki, biejsbołki i inšaje. Ceny anałahičnyja «Modnamu kutu» i «Symbalbaju».
Instahram: krama_darechy.
Adras: h. Minsk, vuł. V.Charužaj, 1a — HC «Siłuet», 1 pav., šerah 2, miesca 4 (st.m. Płošča Jakuba Kołasa).
Hrafik raboty: štodzień z 10:00 da 20:00.
Telefony: +375 (29) 387-24-88; +375 (29) 911-31-89.
Krama Kropka
Miesca pazicyjanujecca jak «utulnaja kramka padarunkaŭ i suvieniraŭ ručnoj raboty, aŭtarskich vyrabaŭ i dyzajnierskich rečaŭ». Fiška hetaj kramy: tut možna raspracavać kancepcyju karparatyŭnych padarunkaŭ razam sa śpiecyjalistam, i heta nie kaštuje dadatkovych hrošaŭ.
Sajt: art-kropka.by.
Adras: h. Minsk, vuł. Zybickaja 8/1 (st.m. Niamiha).
Hrafik raboty: aŭt-ndz z 11:00 da 20:00, pn — vychadny.
Telefony: +375 (44) 501-36-61.
«Lanok»
Dla znatakoŭ sapraŭdnych tkanin i amataraŭ naturalnaha padyduć biełaruskija vyraby ź lonu. Najbolšy asartymient ilnianych tkanin, abrusaŭ, bializny i vopratki pradstaŭleny ŭ viadomaj kramie «Lanok» na praśpiekcie Niezaležnaści.
Sajt: lyanok.by.
Adras: h. Minsk, pr-t Niezaležnaści, 46 (st.m. Płošča Jakuba Kołasa).
Hrafik raboty: pn-pt z 10:00 da 20:00, sb: 10:00-19:00, ndz — vychadny.
Telefony: +375 (17) 224-81-44; +375 (29) 686-14-31; +375 (33) 334-11-89.
Krama «Ŭ»
Pazicyjanavańnie kramy: «najlepšyja vyraby biełaruskich mastakoŭ i dyzajnieraŭ: paštoŭki, albomy pa mastactvie, upryhožańni, vopratka, suvieniry, cacki, natatniki i interjernyja rečy».
Sajt: ygallery.by.
Adras: h. Minsk, vuł. Kastryčnickaja, 19, uvachod z boku vuł. Lenina z dvara (st.m. Pieršamajskaja).
Hrafik raboty: štodzień z 12:00 da 20:00.
Telefon: +375 (29) 366-75-16.
Etnakrama «Rahna»
«Asartymient našaj kramy — heta prostyja spažyvieckija rečy, aryhinalnyja suvieniry i padarunki ŭ biełaruskim etnastyli. Adbor tavaru dla handlu adbyvajecca na padstavie tradycyjnaści, naturalnaści, estetyki i funkcyjanalnaści». Jość funkcyja zamovy praz sajt, dastaŭki pa Minsku i Biełarusi.
Sajt: ragna.by.
Adras: h. Minsk, vuł. Suchaja, 4 (albo Karala, 22), st.m. Frunzienskaja.
Hrafik raboty: pn-sb — z 10:00 da 20:00, ndz — z 10:00 da 17:00.
Telefony: +375 (44) 541-47-68, +375 (29) 834-69-87.
«Kniaź Vitaŭt»
Kali vy žychar (-ka) Bieraścia, abo prosta ŭ niejki momant žyćcia vam vypała nieabchodnaść kupić biełaruskija suvieniry ŭ Breście, zazirnicie va ŭtulnuju kramu «Kniaź Vitaŭt». Taksama jany ažyćciaŭlajuć dastaŭku.
Sajt: kniaz.by.
Adras: h. Brest, vuł. Savieckaja, 55.
Hrafik raboty: štodzionna z 10:00 da 21:00.
Telefony: +375 (162) 59-32-94; +375 (33) 699-24-96.
Kramy LSTR Adzieńnie, Honar, Fainy.by
Vyrablajuć i pradajuć ekskluziŭnuju vopratku. Pradukcyja ich vielmi jakasnaja, vyrablenaja ŭ Biełarusi i admietnaja biełaruskaściu. Košty vyšejšyja za siarednija, jak i zvyčajna na ekskluziŭ i kraft. Tamu kali vy chočacie padaryć blizkamu čałavieku jakasny i aryhinalny pradmiet adzieńnia, to pahladzicie sajty hetych brendaŭ — mahčyma, u ich jość jakraz toje, što vy šukali.
Sajt LSTR: lstr.by.
Adras LSTR: h. Minsk, HC «Maskoŭska-Vienski», pr-t Niezaležnasci, 58, 3-ci pavierch, paviljon 317 (st.m. Płošča Jakuba Kołasa).
Hrafik raboty LSTR: štodzień z 11:00 da 20:00.
Telefony LSTR: +375 (29) 348-81-86; +375 (29) 726-53-20.
Sajt Honar: honar.by.
Adras šou-ruma Honar: h. Minsk, vuł. Kujbyšava, 22 korpus 6 pamiaškańnie 106 (st.m. Płošča Pieramohi).
Hrafik raboty Honar: aŭt-pt — z 12:00 da 20:00, sb — z 12:00 da 17:00, pn — vychadny.
Telefony Honar: +375 (29) 628-38-73; +375 (29) 779-08-58.
Sajt Fainy.by: fainy.by
Adras Fainy.by: h. Minsk, vuł. Słavinskaha 12, pak. 101 (kancavy prypynak aŭt. №15, 34, 100 i tr. №35, 38, 68).
Hrafik raboty Fainy.by: pn-čcv — z 09:00 da 18:00, pt — z 09:00 da 16:30, sb, ndz — vychadnyja.
Telefony Fainy.by: +375 (17) 237-02-62; +375 (29) 637-62-62; +375 (29) 537-62-32.
Suvieniry taksama možna znajści i ŭ dziaržaŭnych kramach nakštałt CUMa, HC «Na Niamizie» abo admysłovych kropak u horadzie ci handlovych centrach.
U zvyčajnych hipiermarkietach abo ŭniviermahach vy možacie padabrać jadomyja padarunki ci rečy, jakija vysoka ceniacca zamiežcami. Prapanujem vam mini-śpis padobnych tavaraŭ, unikalnych dla našaj krainy i zdolnych nie sapsavaŭšysia pieražyć pamiežnyja pieravozki.
Zhuščanka
Rahačoŭskaja ci hłybockaja — vyrašać vam. Možacie zavieźci dla dehustacyi abiedźvie blašanki.
Biarozavik
Čypsy płaścinkami
Babrujski ziefir
Žuraviny ŭ cukry
Kvas
Miedavucha, źbicień, chrenavucha
Biełaruski balzam
Piva ad Trye Beer
Pryhožyja butelki kraftavaha piva mohuć paradavać zamiežnych pivaamataraŭ. Asabliva dobryja vodhuki ŭ ipy «Chmielišča», impierskaha staŭta «Cmok» dy hoze «Čabor». Možna i zachapić uvieś nabor stylaŭ.
Kaśmietyka
U biełaruskich kampanij možna znajści prezientabielnyja pradukty dastojnaj jakaści, a ceny ŭ biełaruskaj kaśmietyki kudy nižejšyja za ceny impartnych anałahaŭ.
Kałhotki Conte
Haradzienskija kałhotki Conte daŭno stali brendam jakaści i zručnaści. Pasprabujcie pryvieźci paru na acenku zamiežnaj siabroŭcy.
Rečyckija ručniki
Miakkija, nadziejna pafarbavanyja, tannyja.
Bializna «Błakit»
Dobraja, ščylnaja tkanina i tryvały koler. Asabliva aceniać znajomyja z Rasii, na kantraście ź miascovaj tekstylnaj pradukcyjaj.
Chałvičnyja batončyki «Alonka» ad «Kamunarki»
Cukierki niadaŭna źjavilisia, ale paśpieli spadabacca łasucham. Raim pakaštavać i vam. Spadabajecca — pačastujcie zamiežnikaŭ.
Heta nie vyčarpalny šerah dastojnych prezientaŭ z našaj krainy. U kožnaha budzie svoj idealny «dorany koń» — hety artykuł chiba dapamoža lepiej saryjentavacca. Dadavajcie vašy idei trapnych biełaruskich padarunkaŭ u kamientary.
Čytajcie jašče:
Dzieviać biełaruskich praduktaŭ, jakija dziviać inšaziemcaŭ
-
«Polšča stała nie taja, što raniej». Emihranty, jakija viarnulisia ŭ Biełaruś, patłumačyli čamu i padzialilisia ŭražańniami
-
Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
-
«Va Ukrainie nichto nie vieryć, što tam takoje robicca». Ukrainiec, jakoha zatrymali ŭ Biełarusi za dva dni da vajny, raskazaŭ pra pakuty za kratami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary