31-hadovy hramadski aktyvist Dźmitryj Kavałhin napisaŭ na svajoj staroncy ŭ fejsbuku, što 7 žniŭnia jon byŭ adličany z šerahaŭ Abjadnanaj hramadzianskaj partyi.
«Z farmuloŭkaj «za dyskredytacyju». Praŭda, u čym jana zaklučałasia, ja tak i nie zrazumieŭ. Hučali vydatnyja arhumienty: ja, akazvajecca, ničoha nie rabiŭ, a toje, što rabiŭ — vielmi drenna», — napisaŭ Kavałhin.
Kavałhin raniej uznačalvaŭ «Maładych demakrataŭ», moładzievaje kryło AHP. Aktyŭna ŭdzielničaŭ u abaronie Kurapataŭ, a taksama rajonaŭ Minska ad zabudovaŭ. U lutym u intervju «Biełaruskamu partyzanu» jon raskrytykavaŭ kiraŭnika AHP Anatola Labiedźku.
«Novyja ludzi nie iduć nam praz hetyja vusy», — kazaŭ Kavałhin pra Labiedźku. Krytykavaŭ «pravadyryzm» u AHP Dźmitryj i na apošnim źjeździe partyi.
Novy staršynia AHP Vasil Palakoŭ u kamientary «NN» adznačyŭ, što ŭ Kavałhina mieŭsia daŭni kanflikt z kiraŭnictvam «praź intervju, dzie jon prajšoŭsia pa partyi». Pa słovach Palakova, Kavałhina vyklučyli z farmuloŭkaj «naniasieńnie škody reputacyi partyi».
Vasil Palakoŭ adznačaje, što kanflikt atrymałasia b zamiać, kab u hetyja dni Kavałhin nie patrabavaŭ pratakoły pasiedžańniaŭ Palitrady AHP za apošnija try hady.
U fejsbuku Kavałhin adznačaje, što sam Palakoŭ nie vystupaŭ za jaho vyklučeńnie z partyi. Ale Palitrada «padaŭlalnaj bolšaściu hałasoŭ» pryniała inšaje rašeńnie.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary