Prezident Niamieckaha alimpijskaha kamiteta (DOSB) Alfans Hiorman nie vyklučaje bajkotu Jeŭrapiejskich hulniaŭ-2019 u Minsku, zajaviŭ jon u intervju niamieckamu radyjo Deutschlandfunk, jakoje siońnia cytujuć niamieckija ŚMI, piša Radyjo Svaboda.
Jak piša vydańnie Focus, Alfans Hiorman ličyć, što bajkot «nie vyklučany, kali situacyja budzie raźvivacca tak, jak heta niadaŭna adbyłosia».
Hiorman taksama zajaviŭ, što padziei ŭ Biełarusi «niepakojać, tamu my budziem i nadalej ŭvažliva sačyć za imi».
Pry hetym Niamiecki alimpijski kamitet, adznačyŭ jaho kiraŭnik, prytrymlivajecca mierkavańnia, što «bajkot nie źjaŭlajecca dobrym instrumientam», jon «moža vykarystoŭvacca tolki tam, dzie isnujuć absalutna nieprymalnyja ŭmovy».
Heta tyčycca ciapierašniaj Biełarusi, jakaja ciaham 24 hadoŭ znachodzicca pad aŭtarytarnym kiravańniem prezidenta Alaksandra Łukašenki, adznačajuć niamieckija ŚMI. Apošnija aryšty biełaruskich žurnalistaŭ asudziła ABSIE i inšyja mižnarodnyja arhanizacyi, z zajavaj z hetaj nahody vystupiŭ u tym liku ŭrad FRH.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB21
Kamientary