Niaklajeŭ abvinavaciŭ sucharaŭski chram u admienie cyrymonii raźvitańnia z Alesiem Lipajem. Siamja: «Niapraŭda, heta vyklučna naša rašeńnie»
U minskim pravasłaŭnym chramie śviatoha Archanhieła Michaiła admianili raźvitańnie ź biełaruskim paetam i žurnalistam Alesiem Lipajem, paviedamiŭ u svaim fejsbuku Uładzimir Niaklajeŭ.
Paet paviedamlaje, što admovili siamji Lipaja ŭ paminalnaj imšy pa im, chacia napiaredadni isnavała damova.
«Radyjo Svaboda» datelefanavałasia ŭ chram Archanhieła Michaiła.
«Chopić telefanavać. Heta sama siamja admoviłasia», — adkazali ŭ carkvie.
Heta źniapraŭdžvaje siabra pamierłaha paeta i žurnalista Ŭładzimier Niaklajeŭ.
«Heta niapraŭda. Siamja sama była ździŭlenaja. U carkvie patłumačyli, što pryčynaju admovy stali nibyta niejkija adozvy pa horadzie z zaklikam pryjści na raźvitańnie. Nibyta rychtujecca masavaja akcyja», — skazaŭ Svabodzie Niaklajeŭ.
Adnak pradstaŭnik siamji Lipaja nie paćvierdziŭ słovy Niaklajeva. Pieranos miesca raźvitańnia z zasnavalnikam BiełaPAN Alesiem Lipajem źviazany vyklučna z rašeńniem jaho siamji, zajaviŭ pradstaŭnik siamji Lipaja.
Abvierh Niaklajeva i pradstaŭnik BPC Siarhiej Lepin.
Nahadajem, što raźvitańnie z Alesiem Lipajem adbudziecca ŭ niadzielu 26 žniŭnia z 9:00 da 12:00 u rytualnaj zali na vulicy Alšeŭskaha ŭ Minsku. Chacia pieršapačatkova płanavałasia, što raźvitacca z Alesiem Lipajem, jaki pamior 23 žniŭnia, možna budzie ŭ subotu ŭ chramie śviatoha Archanhieła Michaiła.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary