Някляеў абвінаваціў сухараўскі храм у адмене цырымоніі развітання з Алесем Ліпаем. Сям'я: «Няпраўда, гэта выключна наша рашэнне»
У мінскім праваслаўным храме святога Архангела Міхаіла адмянілі развітанне з беларускім паэтам і журналістам Алесем Ліпаем, паведаміў у сваім фэйсбуку Уладзімір Някляеў.
Паэт паведамляе, што адмовілі сям'і Ліпая ў памінальнай імшы па ім, хаця напярэдадні існавала дамова.
«Радыё Свабода» датэлефанавалася ў храм Архангела Міхаіла.
«Хопіць тэлефанаваць. Гэта сама сям’я адмовілася», — адказалі ў царкве.
Гэта зняпраўджвае сябра памерлага паэта і журналіста Ўладзімер Някляеў.
«Гэта няпраўда. Сям’я сама была здзіўленая. У царкве патлумачылі, што прычынаю адмовы сталі нібыта нейкія адозвы па горадзе з заклікам прыйсці на развітанне. Нібыта рыхтуецца масавая акцыя», — сказаў Свабодзе Някляеў.
Аднак прадстаўнік сям'і Ліпая не пацвердзіў словы Някляева. Перанос месца развітання з заснавальнікам БелаПАН Алесем Ліпаем звязаны выключна з рашэннем яго сям'і, заявіў прадстаўнік сям'і Ліпая.
Абверг Някляева і прадстаўнік БПЦ Сяргей Лепін.
Нагадаем, што развітанне з Алесем Ліпаем адбудзецца ў нядзелю 26 жніўня з 9:00 да 12:00 у рытуальнай залі на вуліцы Альшэўскага ў Мінску. Хаця першапачаткова планавалася, што развітацца з Алесем Ліпаем, які памёр 23 жніўня, можна будзе ў суботу ў храме святога Архангела Міхаіла.
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
-
Расійскага блогера-жанчынаненавісніка затрымалі за «рэабілітацыю нацызму»
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары