Minfin prapanuje pavialičyć kolkaść pasad, na jakich možna pracavać biez vyšejšaj adukacyi
U Biełarusi isnuje zanadta vialikaja kolkaść pasad, zajmać jakija možna tolki pry najaŭnaści dypłoma ab vyšejšaj adukacyi. Namieśnik ministra finansaŭ Juryj Sielivierstaŭ u intervju profilnamu časopisu «Finansy, ulik, aŭdyt» prapanavaŭ pierahledzieć adpaviedny pieralik prafiesij u Ministerstvie pracy i sacyjalnaj abarony.
«Daloka chadzić nie budziem, pahladzim na finansavuju śfieru. Ci treba vyšejšaja adukacaja čałavieku, jaki prymaje kamunalnyja płaciažy ŭ banku ci jaki siadzić na abmienie valuty? Sumniajusia», — skazaŭ Sielivierstaŭ.
Jon nahadaŭ, što raniej vypuskniki technikumaŭ u rajfinadździełach i padatkovych inśpiekcyjach paśpiachova spraŭlalisia z prafiesijnymi abaviazkami i dasiahali vysokich vynikaŭ u pracy. «Adnak paśla pierahladu patrabavańniaŭ da pasady heta niemahčyma», — adznačaje namieśnik ministra.
Pry hetym Sielivierstaŭ prapanuje palapšać sistemu siaredniaj adukacyi.
Pavodle źviestak Biełstata, Biełaruś lidziruje siarod krain SND pa kolkaści studentaŭ VNU na 10 tysiač čałaviek nasielnictva — 354 suprać 325 u Rasii, 322 va Ukrainie. Pry hetym prykładna tracina studentaŭ vučycca pa jurydyčnym i ekanamičnym profilach.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski27
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary