Jak Viktar Łukašenka kuplaŭ vyšyvanki i pryhladaŭsia da vokładak z Pahoniaj
Ułaśnik kramy nacyjanalnaha adzieńnia «Moj modny kut» Valery Jesipionak raskazaŭ «Našaj Nivie», što na fiestyvali «Słavianski bazar» ŭ lipieni ŭ Viciebsku jahonuju kropku naviedaŭ pamočnik prezidenta pa nacyjanalnaj biaśpiecy Viktar Łukašenka.
Jon byŭ razam z achoŭnikami. «Padyšoŭ, prosta na miescy prymieryŭ i nabyŭ čatyry vyšyvanki. Jany ŭ mianie prachodziać jak błakitnyja kaŭnierki z vyšyŭkaj.
Nijaki jon byŭ nie hanarlivy. Kazaŭ, maŭlaŭ, dobra, što vyšyvanki papularnyja. Jašče niešta pa drobiazi nabyŭ, ale ja ŭžo nie pomniu što. Jašče skazaŭ, što našaj pałatki nie stavała na śviacie ŭ Aleksandryi», — raskazvaje Valeryj Jesipionak.
Taksama Viktar Łukašenka pryhladaŭsia da vokładak z Pahoniaj, ale ich nie nabyvaŭ.
Pry hetym Valeryj Jesipionak raskazaŭ, što zajmieŭ prablemy na Śviacie horada ŭ Minsku. Uviečary 8 vieraśnia arhanizatary mierapryjemstva padyšli da jaho i nastajali, kab na nastupny dzień pałatka ź bieł-čyrvona-biełaj atrybutykaj nie pracavała, bo pajšła «vialikaja pahałoska».
Viktar Łukašenka — starejšy syn kiraŭnika dziaržavy Alaksandra Łukašenki.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary