
Pieršy tur prezidenckich vybaraŭ u Brazilii nie zmoh vyznačyć adnaznačnaha pieramožcy kampanii — nivodny z kandydataŭ nie zaručyŭsia padtrymkaj 50% vybarščykaŭ, śviedčać dadzienyja brazilskaha Najvyšejšaha vybarčaha trybunała (anałah vybarkama), pieradaje telekanał Globo.
Ciapier u krainie adbudziecca druhi tur hałasavańnia. Jon adbudziecca 28 kastryčnika. Udzieł u im voźmuć vielmi pravy deputat nacyjanalnaha parłamienta Brazilii, pradstaŭnik Sacyjał-libieralnaj partyi Žair Bałsanaru i kandydat ad levaj Partyi pracaŭnikoŭ Fiernandu Adad. Za Bałsanaru prahałasavali 46,24% brazilcaŭ (49.014.285 hałasoŭ), a za jaho asnoŭnaha supiernika Adada - 28,99% žycharoŭ (30.727.826 hałasoŭ).
Dla pieramohi na pieršym etapie vybaraŭ u adpaviednaści z brazilskim zakanadaŭstvam adnamu z kandydataŭ było nieabchodna nabrać bolš za 50% hałasoŭ.
Usiaho ŭ prezidenckaj honcy 7 kastryčnika brali ŭdzieł 13 palitykaŭ.
Kamientary