U łonh-list premii «Oskar» u naminacyi za najlepšy zamiežny film uvajšli 87 karcin, u tym liku «Kryštal» biełaruski Darji Žuk, paviedamlajecca na sajcie premii.
U śpis taksama patrapili filmy «Danbas» ŭkrainskaha režysiora biełaruskaha pachodžańnia Siarhieja Łaźnicy i «Sabibor» Kanstancina Chabienskaha.
Šort-list ź piaci-šaści naminantaŭ budzie ahučany 22 studzienia. Uručeńnie «Oskara» — 24 lutaha.
Dziejańnie karciny «Kryštal» adbyvajecca ŭ 90-ja hady ŭ Biełarusi. Maładaja dziaŭčyna-dydžej maryć źjechać u Amieryku, ale robić pamyłku ŭ zajavie na vizu. Ciapier jana vymušanaja pravieści tydzień u nievialikim zavadskim miastečku, kab nie pazbavicca šancu na vykanańnie svajoj «amierykanskaj mary». U filmie pakazana panarama žyćcia 90-ch: moładzievyja padpolnyja rejvy, stychijnyja rynki, mary maładych ludziej pra emihracyju i žyćcio zastyłaj ŭ časie pravincyi.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary