Donald Tramp padzialiŭsia dumkami nakont mier u adkaz u suviazi z mahčymym zabojstvam u konsulstvie Saudaŭskaj Aravii ŭ Stambule aŭtara Washington Post Džamala Chašohi. Kamientujučy prapanovu razarvać ździełki pa prodažy zbroi Er-Ryjadu, kiraŭnik Biełaha doma zajaviŭ, što ŭ hetym vypadku ZŠA tolki pakarajuć sami siabie, paviedamlaje ahienctva Reuters.
Jak ličyć Tramp, hetaja ideja durnaja, tamu što miesca ZŠA nieadkładna zojmuć Rasija i Kitaj, jakija jak raz vyjhrajuć ad usioj hetaj historyi.
Tramp zajaviŭ, što kiraŭnictva Saudaŭskaj Aravii zasłuhoŭvaje surovaha pakarańnia ŭ tym vypadku, kali vyśvietlicca, što Chašohi sapraŭdy byŭ zabity. «Nichto nasamreč nie viedaje, što tam adbyłosia. My vielmi ŭvažliva za hetym nazirajem. I my budziem vielmi niezadavolenyja, kali vyśvietlicca, što ŭsio tak i jość», — skazaŭ Tramp.
Chašohi, jaki sam siabie nazyvaŭ dobraachvotnym vyhnancam i praciŭnikam ciapierašniaha režymu ŭ Saudaŭskaj Aravii, 2 kastryčnika zajšoŭ u konsulstva svajoj krainy ŭ Stambule, kab atrymać dakumienty dla budučaha viasiella. Z taho času jaho nichto nie bačyŭ.
Jak paviedamlała Washington Post, tureckija ŭłady zajavili, što ŭ ich jość danyja ab tym, što adrazu paśla ŭvachodu ŭ budynak Chašohi byŭ zatrymany supracoŭnikami śpiecsłužb Saudaŭskaj Aravii, a paźniej zabity.
Čytajcie taksama: ŚMI: Saudaŭskaha apazicyjnaha žurnalista zabili i rasčlanili ŭ konsulstvie jaho krainy ŭ Turcyi
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary