Mytnaja kryminalnaja słužba Litvy paviedamiła ab zatrymańni 19 kastryčnika ŭ Miednikach (Miadzininkai) hramadzianina Biełarusi, jaki sprabavaŭ pravieźci kantrabandu na Volvo z dyplamatyčnymi numarami, piša Radyjo Svaboda.
Litoŭskija mytniki zaŭvažyli, što ŭ mašyny adroźnivajecca huk pry prastukvańni piarednich i zadnich dźviarej. Kali kiroŭcu paprasili adčynić dźviery, słužboŭcy prykmiecili frahmenty cyharetnych pačkaŭ.
Mytniki źviarnulisia ŭ biełaruskaje Ministerstva zamiežnych spravaŭ — tam adkazali, što hramadzianin Biełarusi «V. B.» nia maje dyplamatyčnaha statusu, a dyplamatyčnyja numary bolš nia dziejničajuć. Mašyna naležała mižnarodnaj arhanizacyi, u jakoj biełarus raniej pracavaŭ.
U vyniku nadhladu mašyny było znojdziena 5705 pačak cyharet: Minsk, Queen, Winston, Kent, NZ. Ciapier idzie papiaredniaje śledztva, mašyna i cyharety zatrymanyja, hramadzianin Biełarusi vyzvaleny pad zakład.
Viadoma, što hety hramadzianin Biełarusi nia byŭ datyčny da biełaruskaj dyplamatyi, pracavaŭ u pradstaŭnicťvie adnoj ź mižnarodnych arhanizacyj u Miensku, ciapier jon zvolnieny, a numary jahonaj mašyny byli zdadzienyja ŭ DAI ŭ 2014 hodzie.
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary