Pry pryniaćci rašeńnia, u jakim časie zastacca — zimovym abo letnim, Litva prymie da ŭvahi mierkavańnie žycharoŭ i śpiecyjalistaŭ, a taksama vybar susiedziaŭ, skazaŭ premjer Saŭlus Skviernialis, paviedamlaje Delfi.
«My b aryjentavalisia na letni čas [kali roźnicy ŭ časie ź Biełaruśsiu niama], ale vielmi važnaja budzie ŭzhodnienaść u rehijonie, kab nie było razbałansiroŭki, nie ŭtvaryłasia b roźnica ŭ dźvie ci bolš hadzin», — skazaŭ kiraŭnik urada.
«Mierkavańnie žycharoŭ i śpiecyjalistaŭ budzie hałoŭnym. I ŭličym, jak u našych susiedziaŭ», — dadaŭ jon.
Jeŭrakamisija ŭ vieraśni paviedamiła, što prapanuje krainam — členam Jeŭrasajuza admovicca ad pieravodu strełak hadzin z 2019 hoda, adnak kančatkovaje rašeńnie jašče nie pryniataje. U adpaviednaści z apošnim varyjantam prapanovy, ad siezonnaha času prapanujecca admovicca z 2021 hoda. Kamisija prapanuje, što vyrašać, u jakim časie zastacca, pavinny sami krainy ES.
Nahadajem, što ŭ niadzielu krainy ES piarojduć na zimovy čas, h.zn. strełki buduć pieraviedzienyja na hadzinu nazad.
Kamientary