Prezident Ukrainy Piatro Parašenka z kiraŭnikom Turcyi Redžepam Taipam Erdahanam. Fota: @STsegolko
Prezident Ukrainy zaprasiŭ tureckich miratvorcaŭ u składzie misii AAN «uziać udzieł va ŭstanaŭleńni miru na Danbasie». Pra heta Parašenka zajaviŭ padčas sumiesnaha bryfinhu z prezidentam Turcyi Redžepam Taipam Erdahanam. Tranślacyju 3 listapada vioŭ telekanał «112 Ukraina».
«Ja prapanavaŭ spadaru prezidentu aktyvizavać naš dyjałoh, u tym liku i padtrymku rašeńnia adnosna raźmiaščeńnia miratvorcaŭ u adpaviednaści z mandatam Rady biaśpieki AAN. My daviarajem Turcyi i byli b ščaślivyja, kali b Turcyja ŭziała ŭdzieł va ŭstalavańni miru na Danbasie praz raźmiaščeńnie svajo miratvorčaj misii ŭ składzie AAN», — adznačyŭ Parašenka.
Raniej, padčas vystupu na Miunchienskaj kanfierencyi Parašenka zajaviŭ, što Rasija maje šaniec prademanstravać hatoŭnaść da kampramisu i pahadzicca na miratvorcaŭ na ŭsioj terytoryi akupavanaha Danbasa.
Paźniej paviedamlałasia, što Ukraina, ZŠA, Hiermanija i Francyja «praktyčna hatovy» ŭnosić sumiesnuju rezalucyju na razhlad Rady biaśpieki AAN adnosna miratvorčaj misii na Danbasie.
Kamientary