Biudžet 2019 hoda budzie aryjentavany hałoŭnym čynam na pavyšeńnie zarabotnaj płaty i rost addačy ad realnaha siektara ekanomiki. Pra heta zajaviŭ ministr finansaŭ Biełarusi Maksim Jermałovič ŭ efiry telekanała «Biełaruś 1», paviedamlaje BIEŁTA.
Biudžet 2019 hoda maje šerah navacyj, skazaŭ Maksim Jermałovič. «Klučavaja zadača — dasiahnieńnie ŭzroŭniu siaredniaj zarabotnaj płaty ŭ biudžetnym siektary nie nižej za 80% ad siaredniaj zarabotnaj płaty ŭ siarednim pa krainie. My ličym heta całkam dasiahalnym. A zatym možna pastupova vybudoŭvać doŭhaterminovy ałharytm i prahramu vychadu na zarpłaty ŭ biudžetnym siektary na siarednierespublikanski ŭzrovień», — adznačyŭ Maksim Jermałovič.
Ministr finansaŭ padkreśliŭ, što kraina idzie šlacham pastupalnaha źnižeńnia dziaržpadtrymki realnaha siektara ekanomiki. Štohod pamier datacyj budzie pamianšacca na 10%.
«Hetyja srodki pavinny pieraaryjentavacca na tyja pytańni, jakija biudžet i pavinien vyrašyć: dapamahać budavać žyllo dla nasielnictva, darohi, układvać u sacyjalnuju infrastrukturu, balnicy, škoły, dziciačyja sady. Tamu skaračeńnie na 10% dziaržaŭnaj padtrymki — heta ŭžo nieabchodnaść», —- rastłumačyŭ Maksim Jermałovič.
Jon adznačyŭ, što nadychodzić čas, kali realny siektar pavinien nia padsiłkoŭvacca z kazny, a, naadvarot, pavialičvać addaču. «Dla hetaha my ciapier pa kožnaj halinie, kožnamu pradpryjemstvu analizujem biznes-płany, hladzim finansavyja patoki, kab zrazumieć, nakolki pradpryjemstva ŭ stanie absłuhoŭvać kredyty samastojna, vychodzić na rentabielnuju pracu. Nieabchodnyja sistemnyja zachady pa naviadzieńni paradku na pradpryjemstvach, aptymizacyi kolkaści, skaračeńnia vydatkaŭ», — kanstatavaŭ ministr.
U tak zvanych rehijonach sa składanaj ekanamičnaj situacyjaj miechanizm dapamohi taksama budzie źmienieny.
Zamiest padatkovych prefierencyj buduć stvaracca dadatkovyja ŭmovy «z punktu hledžańnia ahulnaekanamičnych, inviestycyjnych mahčymaściaŭ, pryvabnaści hetych rehijonaŭ, zacikaŭlenaści miascovych orhanaŭ ułady ŭ raźvićci svajho ekanamičnaha patencyjału», — skazaŭ na zakančeńnie Maksim Jermałovič.
Kamientary