Dziaŭčyna paprasiła karystalnikaŭ sietki prydumać varyjanty admovy ad viasiella, bo joj nie spadabaŭsia zaručalny piarścionak. Reakcyja juzeraŭ była niečakanaj.
Patencyjnaja niaviesta vykłała dopis z fatahrafijaj u zakrytaj supołcy ŭ fejsbuku, dzie naviedvalniki abmiarkoŭvajuć zaručalnyja piarścionki adzin adnaho. Jana napisała, što vypadkova vyjaviła budučy padarunak padčas načoŭki ŭ najlepšaha siabra.
«Kali łaska, raźniasicie hety piarścionak, a potym skažycie mnie, jak taktoŭna admović chłopcu i prymusić jaho padaryć jaki-niebudź inšy», — paprasiła parady dziaŭčyna.
Nasupierak čakańniam, naviedvalniki hrupy admovilisia vykazvacca pra piarścionak. Zamiest hetaha jany vykazali niepryjaznaść u adnosinach da dziaŭčyny, jakaja padzialiłasia zdymkam. «Ja spadziajusia, jon patrapić da luboha čałavieka, akramia ciabie», — napisaŭ adzin ź juzeraŭ.
«Ciabie što, mama nie vučyła šanavać rečy? Heta žachliva hruba», — padkreśliŭ inšy karystalnik. Niekatoryja kamientatary nazvali situacyju samaj sumnaj z usich, što jany kali-niebudź bačyli.
Paźniej adzin z udzielnikaŭ supołki apublikavaŭ skrynšot na Reddit. Naviedvalniki imidžborda nie spynilisia źnievažać dziaŭčynu, jakaja nie acaniła zaručalny piarścionak.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary