Alaksandr Łukašenka adznačaje dastatkova efiektyŭnuju rabotu ajčynnaha vajenna-pramysłovaha kompleksu, adnak pastaviŭ zadaču pa padvajeńni ŭ bližejšym budučym adpaviednych finansavych pakazčykaŭ. Ab hetym jon zajaviŭ siońnia, prymajučy z dakładam staršyniu Dziaržaŭnaha vajenna-pramysłovaha kamiteta Ramana Hałoŭčanku, piša BiełTA.
Jon kanstatavaŭ, što ŭ cełym heta halina pracuje niadrenna. U tym liku pa pakazčykach rentabielnaści, prybytku, siaredniaj zarpłaty situacyja lepšaja, čym pa šerahu inšych napramkaŭ. «Ale heta vielmi niedastatkova. Heta pałova taho — u finansavych adnosinach - što pavinna być na kaniec nastupnaha hoda. Tamu budujcie płany na budučyniu z metaj pavieličeńnia navat nie abjomaŭ, a hrašovych pastupleńniaŭ roŭna ŭ dva razy», — pastaviŭ zadaču kiraŭnik dziaržavy.
Alaksandr Łukašenka kanstatavaŭ, što śviet źmianiŭsia, siońnia vielmi vysoki popyt na razumnuju vysokadakładnuju zbroju i, asabliva, na srodki baraćby z hetaj zbrojaj. «My vyrablajem abarončyja sistemy. Heta toje, što treba mnohim dziaržavam. My nastupać ni na kaho nie źbirajemsia. Tamu treba raźvivać hetyja škoły, centry, vytvorčaści dla taho, kab siabie zabiaśpiečyć vysokaefiektyŭnaj abarončaj zbrojaj i prapanavać inšym dziaržavam», - adznačyŭ biełaruski kiraŭnik.
Kiraŭnik dziaržavy akcentavaŭ uvahu, što pradpryjemstvy śfiery VPK pavinny atrymlivać svajo raźvićcio niezaležna ad formy ŭłasnaści, dziaržaŭnyja jany ci pryvatnyja: «Roźnicy niama. Zrazumieła, z pryčyny śpiecyfičnaj pradukcyi pavinien być strohi kantrol i kiravańnie hetymi pradpryjemstvami z vašaha boku».
Alaksandr Łukašenka taksama pacikaviŭsia ŭ Ramana Hałoŭčanki situacyjaj u viedamstvie i płanami ŭ adpaviednaści z pastaŭlenymi stratehičnymi zadačami.
Jak vynikaje ź infarmacyi na sajcie Dziaržkamvajenprama, za 2017 hod rentabielnaść prodažaŭ u pramysłovaści skłała 23,4 pracenta. Temp rostu ŭ vytvorčaści prampradukcyi skłaŭ 128,4 pracenta, ekspartu tavaraŭ i pasłuh - 110,6%. Dadatnaje salda źniešniaha handlu skłała $622,4 młn.
Što datyčycca finansavych vynikaŭ, to vyručka na adnaho siaredniaśpisačnaha rabotnika ŭ 2017 hodzie dasiahnuła Br117,8 tys., temp rostu čystaha prybytku - 123,8 pracenta.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary