Iryna Dryha, jakaja źmianiła miežy achoŭnaj zony ŭ Kurapatach, zvolnienaja ź Ministerstva kultury
Pieršym namieśnikam ministra kultury stała Natalla Karčeŭskaja.
Da hetaha jana pracavała pieršym prarektaram Univiersiteta kultury.
U hetaj navinie bolš źviartaje na siabie ŭvahu toj fakt, što pasady pazbaviłasia Iryna Dryha. Čynoŭnica pryjšła ŭ Ministerstva kultury ź ideałahičnaha ŭpraŭleńnia Administracyi prezidenta.
«Treba sačyć i za ideałahičnym źmiestam vučebnaj litaratury, — zajaviła jana ŭ intervju «Źviaździe». — U jakasci prykładu možna pryviesci padručnik pa hramadaznaŭstvie, pryznačany dla vučniaŭ 9-ch i 10-ch kłasaŭ. Naprykład, raździeł pra palityčnych lidaraŭ supravadžaje fatahrafija kiraŭnikoŭ dziaržaŭ «vialikaj vaśmiorki». Ale ci patrebna našym dzieciam viedać u tvar kiraŭnikoŭ Indyi abo Brazilii?
Ci nie lepš było źmiascić fatahrafiju prezidenta Biełarusi z kiraŭnikami krain SND?» — kazała jana.
U Ministerstvie kultury jana taksama adkazvała za ideałohiju. Naprykład, Dryha admaŭlała ŭ vystupach hrodzienskamu hurtu «Dzieciuki». Paśla vychadu filma «My, braty», jaki pravaliŭsia ŭ prakacie, Dryha skazała: «Nielha skazać, što film nie spadabaŭsia biełaruskamu hledaču».
Adznačyłasia Iryna Dryha i ŭ historyi z Kurapatami. Mienavita jana ŭ 2014 hodzie ad imia Ministerstva kultury padpisała dakumient, jaki źmianiaŭ miežy achoŭnaj zony va ŭročyščy. Heta i dazvoliła pabudavać skandalny restaran «Pajedziem pajadzim».
Letaś sacyjał-demakraty inicyjavali ŭstalavańnie ŭ Minsku šyldy ŭ honar praviadzieńnia Pieršaha ŭsiebiełaruskaha źjezdu, adnak Dryha ŭ adkazie ad imia Ministerstva admoviła ŭ hetym.
Iryna Dryha naradziłasia ŭ 1970 hodzie. Jana kandydat piedahahičnych navuk, biblijohraf.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary