Rasijskaja palicyja skłała try administracyjnyja pratakoły ŭ dačynieńni da repiera Chaski (sapraŭdnaje imia — Dźmitryj Kuźniacoŭ), zatrymanaha ŭviečary 21 listapada ŭ Krasnadary.
Jak paviedamiŭ u fejsbuku advakat muzykanta Alaksiej Avaniesian, Chaski abvinavačvajecca ŭ niezakonnaj arhanizacyi masavaha znachodžańnia hramadzian u hramadskich miescach, drobnym chulihanstvie, źviazanym ź niepadparadkavańniem zakonnamu patrabavańniu pradstaŭnika ŭłady, a taksama admovie prajści miedycynski ahlad.
Sudovaje raźbiralnictva adbudziecca ŭ čaćvier. Pa kožnym z pravaparušeńniaŭ repieru pahražaje da 15 sutak aryštu, dadaŭ Avaniesian.
Repier Chaski byŭ zatrymany ŭ Krasnadary 21 listapada la kłuba Bounce, dzie byŭ admienieny jaho kancert. Jon vyjšaŭ da prychilnikaŭ, što čakali vystupu, zabraŭsia na aŭtamabil i staŭ vykonvać dla ich svaju pieśniu «Aj». Paśla hetaha jaho advieźli ŭ adździaleńnie palicyi. Tam Chaski admoviŭsia prachodzić miedycynski ahlad.
Kamientary