Zapavolvańnie tempaŭ ekanamičnaha rostu ŭ Biełarusi čakajecca ŭ pieršym paŭhodździ 2009 hoda. Niama peŭnaści i z druhim paŭhodździem.
Zapavolvańnie tempaŭ ekanamičnaha rostu ŭ Biełarusi čakajecca ŭ pieršym paŭhodździ 2009 hoda. Niama peŭnaści i z druhim paŭhodździem.
U suviazi z hetym Minekanomiki prapanuje zaćvierdzić raźbiŭku pakazčykaŭ prahnozu sacyjalna‑ekanamičnaha raźvićcia Biełarusi na pieršy i druhi kvartały nastupnaha hoda, zajaviŭ ministr ekanomiki Mikałaj Zajčanka.
«Abjektyŭna aceńvajučy pierśpiektyvy zaviaršeńnia hetaha hodu i situacyju pačatku budučaha hoda,vidavočna, što prablem u 2009 hodzie mienš nie stanie», ‑‑ skazaŭ jon. Tamu dla pabudovy realnaj trajektoryi sacyjalna‑ekanamičnaha raźvićcia pa daručeńniu premjer‑ministra Biełarusi padrychtavany prajekt pakvartalnaj raźbiŭki značeńniaŭ asnoŭnych metavych pakazčykaŭ na 2009 hod.
Mikałaj Zajčanka paviedamiŭ, što ŭ hetaj raźbiŭcy na pieršy i druhi kvartały praduhledžany bolš nizkija tempy rostu pakazčykaŭ ź ich kampiensacyjaj u druhoj pałovie hodu pry najaŭnaści bolš spryjalnych makraekanamičnych i źniešnich umoŭ. Tak, temp rostu VUP u pieršym kvartale prahnazujecca na ŭzroŭni 105%, u pieršym paŭhodździ — 107%, inviestycyj u asnoŭny kapitał ‑‑ 104 i 110% adpaviedna.
Adnak u pracesie ŭzhadnieńnia hetaha dakumienta orhany dziaržkiravańnia nastojvajuć na panižeńni prapanavanych uzroŭniaŭ značeńniaŭ na pieršy i druhi kvartały. Taksama, uličvajučy niapeŭnaść nastupstvaŭ suśvietnaha finansavaha kryzisu, Minekanomiki prapanuje zaćvierdzić pakvartalnuju raźbiŭku pakazčykaŭ prahnozu sacyjalna‑ekanamičnaha raźvićcia Biełarusi tolki na pieršy i druhi kvartały 2009 hoda, a z pakazčykami na druhoje paŭhodździe vyznačycca z ulikam vynikaŭ raboty ekanomiki ŭ pieršym paŭhodździ.
U cełym Mikałaj Zajčanka ličyć, što situacyja ŭ ekanomicy vielmi składanaja, ciažka pradkazalnaja i patrabuje ad usich maksimalnaj adkaznaści, mabilnaści, apieratyŭnaha i poŭnaha vykanańnia prymajemych rašeńniaŭ.
Kamientary