Siońnia Alaksandr Łukašenka pravioŭ naradu ab raźvićci letnich vidaŭ sportu.
Kamiera telekanała ANT pakazała bujnym płanam, što čynoŭnik kanśpiektuje padčas pasiadžeńnia. U aficyjnaj spravazdačy z narady pra «Miersiedesy» i ciołak nie zhadvałasia.
Čytajcie taksama: Były vice-premjer Dražyn, jaki napisaŭ pierł pra babło i ciołak: Davajcie razam praciahvać hetuju liniju
Hety frahmient možna było ŭbačyć na 26-aj siekundzie videa.
Jak paviedamlaje pres-słužba Łukašenki, zakranajučy pytańnie padrychtoŭki da II Jeŭrapiejskich hulniaŭ, jon kanstatavaŭ, što ŭžo šmat zroblena, ale jość i niavyrašanyja pytańni. «Nieabchodna pryvieści ŭ paradak spartyŭnuju infrastrukturu, ŭličyć usie niuansy, źviazanyja z łahistykaj, charčavańniem, miedycynskim supravadžeńniem i zabieśpiačeńniem biaśpieki ŭdzielnikaŭ i haściej hulniaŭ, — źviarnuŭ uvahu kiraŭnik dziaržavy. — Hrošy, jakija vyłučajucca na hulni, pavinny zastacca ŭ krainie».
Jak paviedamlajecca, taksama padčas narady Alaksandr Łukašenka daŭ paradu pa zapaŭnieńni pustych trybun na spartyŭnych spabornictvach.
«Dzie arhanizatary? Niaŭžo ciažka zaprasić piensijaniera, dać jamu biaspłatny bilet, invalida tudy pryvieści — moža, heta adzinaja dla jaho radaść, dzietak zaprasić? Zaprasić, a nie zahaniać. Kab ludzi bačyli hetyja prykłady, jak treba zmahacca, pieramahać, i kab dzieci sami da hetaha imknulisia», — skazaŭ Łukašenka.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary