Praviła limitu na lehijanieraŭ u rasijskim futbole ŭ najbližejšy čas nie źmienicca. RFS adkłaŭ pryniaćcie rašeńnie pa prajekcie Ministerstva sportu, zhodna ź jakim u limicie mahli zrabić vyklučeńnie dla hulcoŭ ź Biełarusi.
Hulcy ź Biełarusi zachavajuć status lehijanieraŭ u rasijskim futbole. Jak paviedamlaje «Sport-Ekspriess», vykankam RFS abmierkavaŭ prapanavany Ministerstvam sportu prajekta źmieny zakona, pavodle jakoha dla biełaruskich futbalistaŭ mahli zrabić vyklučeńnie ŭ limicie, ale rašeńni nie pryniaŭ.
Členy vykankama RFS damovilisia viarnucca da pytańnia ab statusie hulcoŭ ź Biełarusi paźniej. Taksama było vyrašana razhledzieć mahčymaść vyklučeńniaŭ u limicie dla lehijanieraŭ ź inšych krain Jeŭrazijskaha ekanamičnaha sajuza (JEAES) — Armienii, Kazachstana i Kirhizii.
Na pasiadžeńni vykankama RFS było vyrašana pakinuć ciapierašni farmat limitu na lehijanieraŭ da siezona-2020/21. «Limit zaćvierdžany, i jon dziejničaje, a ź siezona-2020 / 21. jon budzie pierahledžany, jon budzie źviazany z zajaŭkaj. Jakoj jana budzie, jašče treba budzie vyrašać», — pieradaje słovy prezidenta RPŁ Siarhieja Pradkina RBK.
Limit na lehijanieraŭ u čempijanacie Rasii dziejničaje z 2006 hoda. Pa rehłamiencie spabornictvaŭ u matčach RPŁ ŭ składzie kamandy adnačasova na poli mohuć znachodzicca nie bolš za šeść futbalistaŭ, jakija nie majuć prava vystupać za zbornuju Rasii. Ź siezona-2020/21 zamiest limitu na pole, mahčyma, budzie dziejničać limit na zajaŭku - kamandy zmohuć ŭnieści siem ci vosiem zamiežnikaŭ u zajaŭku z 25 čałaviek.
Raniej Minsportu pazbaviła statusu lehijanieraŭ biełaruskich chakieistaŭ. Adpaviedny zahad ustupiŭ u siłu 19 kastryčnika 2018 hoda. Aficyjna spartsmieny ź Biełarusi pierastali ličycca ŭ KCHŁ lehijanierami z 22 listapada, kali saviet dyrektaraŭ lihi zaćvierdziŭ techničnyja praŭki ŭ rehłamiencie turniru
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary