Напярэдадні паездкі да Уладзіміра Пуціна Аляксандр Лукашэнка сабраў міністраў на нараду «па актуальных пытаннях супрацоўніцтва з Расіяй».
Як паведамляе БелТА, Аляксандр Лукашэнка адзначыў, што Расія для Беларусі з'яўляецца ключавым знешнім партнёрам. «Мы заўсёды падкрэслівалі значнасць гэтага ўзаемадзеяння. Усебаковы характар нашых адносін мае сур'ёзнае значэнне не толькі для Беларусі, але таксама і для Расіі. Яны будуюцца на сістэмнай і, самае галоўнае, планавай аснове», — заявіў Лукашэнка.
Ён нагадаў, што ў двухбаковым фармаце падпісаны многія пагадненні, але яны не выконваюцца.
Паводле слоў Лукашэнкі, ахоплены вельмі шырокі спектр пытанняў — макраэканоміка, бюджэтная, прамысловая і знешняя палітыка, транспартная прастора і міграцыя, ахова здароўя і культура. «Па ўсіх напрамках былі прыняты пэўныя планы. Мы ўшчыльную наблізіліся да стварэння адзінага паліўна-энергетычнага рынку, ідзём да фарміравання агульнай прававой прасторы Саюзнай дзяржавы», — заявіў ён.
На 25 снежня запланавана сустрэча Аляксандра Лукашэнкі і Уладзіміра Пуціна.
Каментары