Pra heta kiraŭnik krainy zajaviŭ na naradzie ŭ Minsku, piša BiełTA.
Łukašenka, u pryvatnaści, zakranuŭ vyniki praviedzienych u kancy śniežnia pieramovaŭ z Pucinym. Baki, u pryvatnaści, abmiarkoŭvali pytańni kampiensacyi biełaruskamu boku ŭ suviazi z padatkovym manieŭram ŭ Rasii ŭ naftavaj śfiery.
«Nijakaha adrynańnia pa pytańni kampiensacyi nie było. Nie było, što Rasija kaža: «Nie, my nie budziem kampiensavać vaša paharšeńnie situacyi, vašy straty». Bolš za toje, prezident Rasii prapanavaŭ i ŭ novym hodzie praciahnuć pieramovy pa hetym pytańni i vypracavać prymalnaje rašeńnie — i sam-nasam, i ŭ składach pracoŭnych hrup», — raskazaŭ kiraŭnik dziaržavy.
Jon adznačyŭ, što hetaje pytańnie patrabavałasia b urehulavać da 1 studzienia, ale nijakaj katastrofy z-za taho, što jano pakul nie vyrašana, na siońniašni dzień niama.
«Straty ad padatkovaha manieŭru ŭ Biełarusi ŭ hetym hodzie składuć śmiešnuju sumu: pry $70 za baral heta budzie kala $ 400 młn. Heta nie katastrofa. Ale my na heta pajści nie možam, bo z 2015 hoda, kali byŭ uviedzieny hety padatkovy manieŭr, my ŭžo stracili $ 3,6 młrd da zakančeńnia hetaha padatkovaha manieŭru, da 2025 hoda, my stracim bolš za $10,6 młrd», — pryvioŭ raźliki kiraŭnik dziaržavy.
«My nieści straty da ŭzroŭniu minułaha hoda nie možam. Tamu ŭsie straty pavinny być kampiensavany pa tych ci inšych kirunkach supracoŭnictva z Rasijskaj Fiederacyjaj, — pastaviŭ zadaču ŭradu Alaksandr Łukašenka. - Ja heta i prezidentu (Rasii) skazaŭ, jak b heta ni było baluča i sumna, i paŭtaraju heta publična, i davodžu da vašaha źviestki jak daručeńnie prezidenta Biełarusi. Vy jaho pavinny vykanać biezdakorna i z dakładnaściu. My ničoha nie možam stracić».
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary