Adpaviednuju zadaču kiraŭnik dziaržavy pastaviŭ siońnia na naradzie ŭ Minsku.
Alaksandr Łukašenka nahadaŭ, što sioleta płanujecca skončyć madernizacyju dvuch biełaruskich naftapierapracoŭčych zavodaŭ, paśla čaho Biełaruś zmoža kuplać naftu dla nastupnaj pierapracoŭki nie tolki ŭ Rasii.
«Ja ŭžo daŭno staviŭ zadaču, i nam treba jaje vyrašyć: adkryć alternatyŭnuju pastaŭku nafty praz prybałtyjskija party. Kali litoŭcy nie zhodny — z łatyšami damovicca i zakuplać hetuju naftu. Pierapracoŭvać na Navapołackim naftapierapracoŭčym zavodzie i zabiaśpiečvać bałtyjskija respubliki», — skazaŭ Alaksandr Łukašenka. Pavodle jaho słoŭ, dla krain Bałtyi heta budzie tańniej, čym ciapier, kali jany kuplajuć naftapradukty pa suśvietnych cenach.
«Možna damovicca tak, što heta budzie naša supolnaja nafta, jakuju my pierapracujem na madernizavanym Navapołackam naftapierapracoŭčym zavodzie. Tym bolš u nas navat jość niekatoryja mahčymaści ŭ hetym płanie», — zaŭvažyŭ jon.
Kiraŭnik dziaržavy zaklikaŭ nie hipierbalizavać prablemy, źviazanyja z stratami biełaruskaha biudžetu z-za padatkovaha manieŭru ŭ Rasii, a šukać inšyja nadziejnyja krynicy, jakija kampiensujuć hetyja niehatyŭnyja momanty.
«Ale chaču papiaredzić: pra takija rašeńni, jak pierakładańnie hetych prablem na plečy našych ludziej, biełarusaŭ, navat nie dumajcie, — papiaredziŭ jon. — Nasielnictva nie pavinna adčuć nijakaha dadatkovaha ciažaru. Prynamsi ŭ hetym, nastupnym hodzie naohuł niama nijakich prablem, navat kali b my ničoha nie kampiensavali». Na dumku kiraŭnika dziaržavy, zarabić dadatkovyja $ 400 młn dla Biełarusi nie prablema. «Pa parytecie kupčaj zdolnaści, jak ciapier pryniata ličyć, VUP Biełarusi — pad $ 80 młrd. Što tut za prablema? Niama takoj», — pierakanany Alaksandr Łukašenka.
«Tamu nie treba ličyć, što heta katastrofa. Kali abiare kiraŭnictva Rasii taki šlach ruchu i stratu adzinaha sajuźnika na zachodnim napramku, heta ich vybar. My ž ich prymusić nie možam», — dadaŭ jon.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA3
Kamientary