Ministerstva zamiežnych spraŭ Hrecyi nazvała kamientar rasiejskaha MZS adnosna rašeńnia parłamienta Makiedonii ab pierajmienavańni krainy umiašańniem u spravy Hrecyi.
Raniej MZS Rasii apublikavaŭ kamientar, u jakim asudziŭ pierajmienavańnie Makiedonii i zaklikaŭ razhledzieć hetaje pytańnie ŭ Radzie Biaśpieki AAN.
U hrečaskim viedamstvie zajavili, što kamientar Maskvy «nie sumiaščalny z uzroŭniem družalubnych adnosin dźviuch krain».
«Zvarot da palityčnaha raźvićcia ŭnutranych padziej u družalubnych krainach z boku rasijskaha MZS nie adpaviadaje ŭzroŭniu, jaki charaktaryzuje adnosiny pamiž Hrecyjaj i Rasijaj, i daŭnim suviaziach družby pamiž našymi narodami», — havorycca ŭ zajavie.
U viedamstvie padkreślili, što kamientar MZS Rasii ihnaruje hrečaskija demakratyčnyja instytuty i źjaŭlajecca ŭmiašalnictvam va ŭnutranyja spravy krainy.
Taksama Afiny papraknuli Maskvu tym, što taja hadami pryznavała byłuju juhasłaŭskuju respubliku Makiedonija jak «Respubliku Makiedonija», viedajučy pra datklivaje staŭleńnie hrečaskaha naroda da hetaj nazvy.
«My čakajem, što MZS Rasii ŭ dalejšym budzie ŭstrymlivacca ad takich zajaŭ, jakija źjaŭlajucca ŭmiašańniem va ŭnutranyja spravy Hrecyi», — havorycca ŭ zajavie MZS Hrecyi.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary