Niezvyčajnuju historyju raspavioŭ u svaim fejsbuku internet-karystalnik Siarhiej Ciareščankaŭ sa Smalenska.
Jon śćviardžaje, što jaho siabar niadaŭna jeździŭ u Biełaruś. Na vakzale ŭ Minsku da siabra nibyta padyšli niekalki dzieciukoŭ i zahavaryli ź im na biełaruskaj movie.
Ciareščankaŭ śćviardžaje, što siabar paprasiŭ ludziej pierajści na ruskuju movu, na što nibyta atrymaŭ u adkaz «Akupanty! Čamadan! Vakzał! Rasija!»
Praciahvałasia historyja jak u sapraŭdnym rasijskim bajeviku — maładyja ludzi nibyta ŭdaryli dzicia rasijanina, jon adreahavaŭ, i biełaruskija chulihany źbiehli.
«Au! Minčuki lubimyja, siabry maje… Što heta? Varyjant małapolskaj Šumieryi raskručvajecca ŭ vas? Čaho čakać nam? Zajaŭ pra akupacyju brackaj respubliki? Patrabavańniaŭ kampiensacyj i viartańnia spradviečna-biełaruskaha Smalenska?»,
— pytajecca Ciareščankaŭ, jaki maje ŭ fejsbuku bolš za tysiaču siabroŭ.
Charakterna, što ni ŭ samim dopisie, ni ŭ kamientarach pad dopisam Ciareščankaŭ tak i nie zmoh patłumačyć, jakoje poŭnaje imia jaho siabra, kali i ŭ jakim miescy adbyłosia zdareńnie.
Pra hetaha mifičnaha «siabra» jon napisaŭ tolki ahulnymi frazami. I sam siabar nie raspavioŭ pra historyju, tamu što byccam nie karystajecca internetam.
Mnohija rasijskija karystalniki ŭ kamientarach pavieryli ŭ hetuju historyju, a biełaruskija i ŭkrainskija vykazvali skiepsis.
Dziŭna, što ŭ Minsku, jaki ŭtykany vuličnymi kamierami, nichto nie zafiksavaŭ hetaj historyi, što adrazu stavić pad pytańnie jaje realnaść.
Na staroncy Ciareščankava znachodzicca vialikaja kolkaść ukrainafobskaj i antyzachodniaj prapahandy, fejkavych navin.
U momant napisańnia materyjału dopis źnik sa staronki Ciareščankava.
Heta prymušaje nas zrabić vysnovu, što historyja była prydumanaja paśla prahladu prapahandysckich telepieradač rasijskaha telebačańnia.
Čytajcie taksama:
Dźmitryj Kisialoŭ: Kali ŭ Minsku vyrašać zastacca biez Rasii, Biełarusi prosta nie budzie VIDEA
NTV: Chto ŭ strašnym śnie moh pradkazać, što ŭ Biełarusi buduć napadać na ludziej tolki tamu, što jany ruskija?
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni14
Kamientary