Jeŭrapiejskaja kamisija aštrafavała płaciežnuju sistemu Mastercard na 570 miljonaŭ jeŭra za parušeńnie antymanapolnych praviłaŭ ES, piša «Jeŭrapiejskaja praŭda».
«Jeŭrapiejskaja Kamisija aštrafavała Mastercard na 570 566 000 jeŭra za abmiežavańni mahčymaściaŭ dla handlaroŭ skarystacca lepšymi ŭmovami, prapanavanymi bankami ŭ inšych miescach adzinaha rynku, u parušeńnie antymanapolnych praviłaŭ ES», — havorycca ŭ paviedamleńni.
Jeŭrakamisija ŭ 2013 hodzie adkryła rasśledavańnie, jakoje pakazała, što z-za mižnarodnych praviłaŭ ekvajrynhu Mastercard roźničnyja pradaŭcy płacili bolš za bankaŭskija pasłuhi, kab atrymlivać płaciažy pa kartkach, čym kali b jany byli volnyja ŭ pošukach inšych padobnych pasłuh. Heta pryviało da rostu cen dla roźničnych pradaŭcoŭ i spažyŭcoŭ, abmiežavańnia transhraničnaj kankurencyi i da štučnaj siehmientacyi adzinaha rynku.
Mastercard źjaŭlajecca druhoj pa vieličyni apłatnaj sistemaj u Jeŭrapiejskaj ekanamičnaj zonie (EEA) z punktu hledžańnia vydačy spažyvieckich kart i koštu apieracyj.
«Praviły Mastercard štučna padvyšali vydatki na kartačnyja płaciažy ŭ škodu spažyŭcam i roźničnych handlaram u ES», — zajaviła jeŭrakamisar pa pytańniach kankurencyi Marhrete Viestahier.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary