Pieravažnaj bolšaściu hałasoŭ nižniaja pałata amierykanskaha parłamienta pryniała zakonaprajekt, jaki zabaraniaje prezidentu ZŠA Donaldu Trampu vykarystoŭvać dziaržaŭnyja srodki dla vychadu z Paŭnočnaatłantyčnaha aljansu, paviedamlaje DefenseNews.
Abiedźvie partyi prajavili adnadušnaść — za zakonaprajekt «U abaronu NATA» prahałasavali 357 členaŭ Pałaty pradstaŭnikoŭ, suprać — 22.
Prajekt byŭ padadzieny ŭ parłamient 17 studzienia. Užo 22 studzienia jon byŭ vyniesieny na hałasavańnie. Pavodle infarmacyi na sajcie kanhresa, pracedura jaho pryniaćcia zaniała roŭna paŭhadziny. Dla taho kab stać zakonam, prajekt pavinien jašče prajści hałasavańnie ŭ Sienacie, a zatym jaho padpisvaje prezident.
Zakonaprajekt byŭ uniesieny ŭ nižniuju pałatu praź dzień paśla taho, jak The New York Times apublikavała čarhovy artykuł z uciečkami z łahiera Trampa. Na hety raz u joj išła havorka ab žadańni prezidenta viarnucca da idei vychadu z NATA.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary